Psa Mga Salmo, salmo Mga Salmo, salmo 61
Para sa direktor ng mga mang-aawit: Awit na isinulat ni David na sinasaliwan ng instrumentong may kuwerdas.
O Diyos, pakinggan nʼyo ang aking panawagan.
Dinggin nʼyo ang aking dalangin.Psa 5:1; Psa 54:2
Mula sa dulo ng mundo,
akoʼy tumatawag sa inyo
dahil nawalan na ako ng pag-asa.
Dalhin ninyo ako sa lugar na ligtas sa panganib,61:2 sa lugar na ligtas sa panganib: Sa literal, sa bato na mas mataas kaysa sa akin.Psa 18:6; Isa 33:16
dahil kayo ang aking kanlungan,
tulad kayo ng isang toreng matibay
na pananggalang
laban sa kaaway.Psa 71:3
Hayaan po ninyong akoʼy manatili
sa inyong Templo, magpakailanman.
Kayo ang aking kanlungan,
akoʼy inyong iniingatan.Psa 36:7
Dahil napakinggan ninyo, O Diyos,
ang aking mga pangako
at binigyan nʼyo ako ng mga bagay
na ibinibigay nʼyo sa mga may takot sa inyo.
Pahabain nʼyo ang buhay ng hari
at paghariin nʼyo siya sa mahabang panahon
sa pamamagitan ng kanyang mga lahi.Psa 21:4
Sanaʼy maghari siya magpakailanman
na kasama ninyo, O Diyos.
Ingatan ninyo siya
dahil sa inyong pag-ibig at katapatan.2Sa 7:12
At akoʼy palaging aawit
ng papuri sa inyo,
at tutuparin kong lagi
ang aking mga pangako sa inyo.Psa 50:14