2Th 2 Mga Taga-Tesalonica, kapitulo Ang Ikaduhang Sulat ni Pablo sa Mga Taga-Tesalonica, kapitulo 2
Mga Panghitabo sa Dili pa Moabot ang Ginoo
Karon mga igsoon, mahitungod sa pagbalik sa atong Ginoong Jesu-Cristo ug sa atong panagtigom sa pagtagbo kaniya, nagpakiluoy kami kaninyo nga dili kamo malibog o mabalaka tungod sa mga tawo nga nag-ingon nga ang Ginoo miabot na. Bisan pag moingon sila nga mao kadto ang gisulti sa Espiritu kanila, o bisan pag moingon sila nga nadunggan nila, o nabasahan nila ang among sulat, ayaw gayod kamo pagtuo kanila.