Isa Isaias, kapitulo Ang Libro ni Isaias, kapitulo 53
Kinsa ang makatuo sa among mensahe?
Kang kinsa gipadayag sa Ginoo ang iyang gahom?Isa 42:20; Jhn 12:38; Rom 10:16
Kabubut-on sa Ginoo nga mouswag ang iyang alagad.
Sama kini sa tanom nga nagtubo,
nga nagpanggamot diha sa malang yuta.
Wala siyay kaambong o pamarog nga mahimong
makadani kanato ngadto kaniya.Luk 2:46
Gibiay-biay siya ug gisalikway sa mga tawo.
Daghan ang iyang nasinati nga mga kasakit ug pag-antos.
Ato siyang gitalikdan, gitamay, ug gipakawalay-bili.Mrk 9:12
Sa pagkatinuod, giantos niya ang mga kasakit
ug mga pag-antos nga alang unta kanato.
Apan abi natog gisilotan siya sa Dios tungod sa iyang mga sala.Psa 110:7; Mat 20:19
Ang tinuod, gisamaran siya tungod sa atong mga kalapasan.
Nabun-og siya tungod sa atong pagkadaotan.
Ang silot nga iyang giantos mao ang nakahatag
kanatog maayong kahimtang.
Ug pinaagi sa iyang mga samad kita nangaayo.Rom 4:25; 1Co 15:3; 1Pe 2:24
Kitang tanan sama sa mga karnero nga nasaag;
matag-usa kanato nagpatuyang lang sa pagbuhat sa atong gusto.
Apan siya ang gipaantos sa Ginoo sa silot
nga alang unta kanatong tanan.Rom 3:12; Jhn 3:16
Gidaog-daog siya ug gisakit,
apan wala gayod siya moreklamo.
Sama siya sa karnero nga gidala sa ihawanan.
Ug sama sa karnero nga walay timik samtang gialotan,
nagpakahilom lang siya.Mat 26:63; Mat 27:12; Mrk 14:61; Act 8:32
Gidakop siya, gihukman, ug gipatay. Wala gayoy nakaamgo
sa iyang mga katagilungsod nga siya gipatay tungod sa ilang mga sala,
ug giantos niya ang silot nga alang unta kanila.Mat 17:23; 1Co 15:3
Bisag wala siyay sala nga nahimo ug wala siya nanglimbong,
gilubong siya nga daw usa ka kriminal;
gilubong siya uban sa mga adunahan.1Pe 2:22; 1Jn 3:5
Pagbuot sa Ginoo nga sakiton ug paantuson siya.
Bisan tuod ug gihimo sa Ginoo ang iyang kinabuhi
nga halad aron mabayran ang sala sa mga tawo,
makita gihapon niya ang iyang mga kaliwat
ug makaangkon siya ug taas nga kinabuhi.
Ug pinaagi kaniya, matuman ang kabubut-on sa Ginoo.Jhn 12:24
Kon makita niya ang mga bunga sa iyang mga pag-antos,
malipay siya. Miingon ang Ginoo,
“Pinaagi sa iyang kaalam daghan ang pakamatarungon
sa akong matarong nga alagad;
mag-antos siya alang sa ilang mga sala.Jer 23:6; Act 7:52; Jhn 1:29
Busa ihatag ko kaniya ang pasidungog
nga alang sa tawong bantogan ug gamhanan,
kay gihatag niya ang iyang kinabuhi.
Giisip siya nga usa sa mga makasasala.
Nag-antos siya alang sa daghang makasasala