Isa Isaias, kapitulo Ang Libro ni Isaias, kapitulo 62
Tungod kay gimahal ko ang Zion, ang Jerusalem,
dili ako magpakahilom,
hangtod nga moabot ang iyang kadaogan
sama sa nagsidlak nga adlaw,
ug hangtod nga maangkon niya ang iyang kaluwasan
nga sama sa nagsigang sulo.Isa 42:14; Isa 61:11; Isa 64:12
O Jerusalem, makita sa mga nasod
ug sa ilang mga hari ang imong kadaogan ug pagkagamhanan.
Hatagan ka sa Ginoo ug bag-ong ngalan.Isa 56:5; Isa 65:15; Rev 2:17
Mahisama ka sa usa ka matahom nga korona
diha sa kamot sa Ginoo nga imong Dios.
Dili ka na tawgong “Sinalikway nga Siyudad” o “Awaaw nga yuta,”
kondili tawgon ka na nga “Kalipay sa Dios” o “Gikasal ngadto sa Dios,”
kay nalipay ang Ginoo kanimo ug sama ra nga gikasal ka ngadto kaniya.Hos 1:10; 1Pe 2:10
Siya nga naghimo kanimo62:5 Siya nga naghimo kanimo: sa Hebreo, Ang imong mga anak nga lalaki. mangasawa kanimo
sama sa usa ka batan-ong lalaki nga nangasawa sa usa ka putli.
Ug ingon nga nalipay ang pamanhonon sa iyang pangasaw-onon,
ang imong Dios malipay usab kanimo.Mrk 2:19; Zep 3:17
Nagbutang akog mga tigbalantay
diha sa imong mga paril, O Jerusalem.
Dili gayod sila mohunong adlaw ug gabii sa pagpahinumdom
sa imong katawhan nga magtukaw sila.
Kamo nga nagpangamuyo sa Ginoo,
ayaw gayod kamo paghunong sa pag-ampo.Isa 41:27; Jer 16:17
Ayaw ninyo siya hunongi sa paghangyo nga pabarogon niya pag-usab
ang Jerusalem ug dayegon kini sa kalibotan.Psa 102:14
Nanumpa ang Ginoo nga buhaton niya kini pinaagi sa iyang gahom.
Miingon siya, “Dili ko na gayod ipakaon ang inyong mga trigo
sa inyong mga kaaway, ug dili na makainom sa bino
nga inyong gihagoan ang mga langyaw.Isa 54:9; Isa 65:21; Amo 9:13
Kamong nangani sa trigo mao ang mokaon niini,
ug modayeg kamo kanako.
Ug kamong namupo sa mga ubas mao ang moinom
sa bino niini didto sa akong Templo.”Isa 41:16
Katawhan sa Jerusalem, gawas kamo sa mga pultahan sa inyong siyudad,
ug andama ninyo ang agianan alang sa uban pa ninyong katawhan.
Hawani ninyo kinig mga bato, ug ipataas ang bandera
nga ilhanan sa mga kanasoran nga gipabalik na sa Ginoo ang iyang katawhan.Isa 57:14
Pamati! Nagpadala ang Ginoo niining mensahe alang sa tibuok kalibotan,62:11 tibuok kalibotan: sa literal, kinatumyan sa kalibotan.
“Ingna ang mga lumulupyo sa Zion nga ang ilang Manluluwas moabot na,
ug aduna siyay dala nga ganti.Zec 9:9; Mat 21:5; Jhn 12:15; Isa 40:10
Tawgon sila nga, ‘Balaan62:12 Balaan: o Gilain alang sa Dios. nga Katawhan’
ug ‘Mga Linuwas sa Ginoo.’
Ug ang Jerusalem pagatawgon nga, ‘Gitinguha nga Siyudad’
ug ang ‘Siyudad nga Wala na Isalikway.’ ”Dan 7:27; Isa 51:11; Isa 62:4