Lev Levitico, kapitulo Levitico Ang Ikatulong Libro ni Moises, kapitulo 18
Ang Gidili nga mga Relasyon
Miingon ang Ginoo kang Moises, “Isulti kini ngadto sa mga Israelinhon: ‘Ako mao ang Ginoo nga inyong Dios. Lev 11:44Ayaw ninyo sunda ang mga binuhatan sa mga tawo sa Ehipto diin kamo nagpuyo kaniadto. Ayaw usab ninyo sunda ang mga binuhatan sa mga tawo sa Canaan diin dad-on ko kamo. Kinahanglan nga tumanon ninyo ang akong mga sugo ug mga patakaran, kay ang tawo nga nagtuman niini magkinabuhi. Ako mao ang Ginoo nga inyong Dios.Mat 15:3; Ezk 20:11; Neh 9:29; Rom 10:5; Gal 3:12
“ ‘Walay bisan kinsa kaninyo nga makighilawas sa iyang duol nga paryente. Ako mao ang Ginoo.2Sa 16:22
“ ‘Ayaw pakaulawi ang imong amahan pinaagi sa pagpakighilawas sa imong inahan o sa uban pa niyang asawa.Gen 9:22; Gen 19:32; Ezk 22:10; Deu 27:20; 2Sa 16:22
“ ‘Ayaw pakighilawas sa imong igsoon nga babaye, bisan igsoon mo lang siya sa imong amahan o sa imong inahan, ug bisan nagdako man siya uban kaninyo o wala.Deu 27:22; 2Sa 13:12; Ezk 22:11
“ ‘Ayaw pakighilawas sa imong apo nga babaye, kay makahatag kini ug kaulawan kanimo.
“ ‘Ayaw pakighilawas sa anak nga babaye sa imong amahan sa uban nga asawa, kay igsoon mo usab siya.
“ ‘Ayaw pakighilawas sa imong iyaan, kay igsoon siya sa imong amahan o inahan.Lev 20:19
“ ‘Ayaw pakaulawi ang igsoong lalaki sa imong amahan pinaagi sa pagpakighilawas sa iyang asawa, kay iyaan mo usab siya.Lev 20:20
“ ‘Ayaw pakighilawas sa imong umagad nga babaye kay asawa siya sa imong anak.Gen 38:16; Deu 27:23; Ezk 22:11
“ ‘Ayaw pakighilawas sa asawa sa imong igsoon kay makahatag kini ug kaulawan sa imong igsoon.Lev 20:21; Mat 14:4; Mrk 6:18
“ ‘Ayaw pakighilawas sa anak o apo nga babaye sa babaye nga imong gikadulog, kay tingalig anak o apo mo siya,18:17 kay…apo mo siya: o kay kadugo ra sila sa iyang anak o apo nga babaye. ug daotan kana nga buhat.Lev 20:14
“ ‘Ayaw pangasaw-a ang igsoon nga babaye sa imong asawa samtang buhi pa ang imong asawa.
“ ‘Ayaw pakighilawas sa babaye nga giregla kay giisip siya nga hugaw.18:19 giisip siya nga hugaw: ang buot ipasabot, dili siya takos nga motambong sa mga seremonya sa ilang relihiyon.Lev 15:19
“ ‘Ayaw pakighilawas sa asawa sa uban, kay kon buhaton mo kini isipon ka nga hugaw.Lev 20:10
“ ‘Ayaw ihatag ang bisan kinsa sa imong mga anak aron ihalad ngadto sa dios nga si Molec, kay makahatag kana ug kaulawan sa pangalan sa imong Dios. Ako mao ang Ginoo.Lev 20:2; 2Ki 23:10
“ ‘Ayaw pakighilawas sa sama kanimo nga lalaki, kay mangil-ad kana.Rom 1:27; 1Co 6:9
“ ‘Ayaw pakighilawas, malalaki man o mababaye o ngadto sa mananap, kay daotan ug hugaw kaayo kana nga buhat.Exo 22:19
“ ‘Ayaw ninyo hugawi ang inyong kaugalingon pinaagi sa paghimo sa bisan asa niining mga butanga, kay mao kini ang nakapahugaw sa mga tawong papahawaon ko sa yuta nga alang kaninyo. Lev 20:23; 2Ki 17:15Bisan gani kanang yutaa nahugawan tungod nianang ilang gihimo, busa gipadad-an ko ug mga kalamidad kanang yutaa aron sa ingon niana nga paagi mamahawa sila diha. Apan kamong mga Israelinhon ug ang mga langyaw nga nagpuyo uban kaninyo, ayaw gayod ninyo himoa kanang mangil-ad nga mga butang kondili tumana gayod ninyo ang akong mga patakaran ug mga sugo. Kay kon hugawan ninyo ang yuta pinaagi sa pagbuhat nianang mga butanga, papahawaon ko kamo gikan nianang yutaa sama sa mga unang lumulupyo didto.Isa 26:21; Lev 20:22
“ ‘Si bisan kinsa nga mohimo niining mangil-ad nga mga butang dili na ninyo isipon nga inyong sakop. Busa tumana ninyo ang gipatuman ko kaninyo ug ayaw gayod ninyo sunda ang mangil-ad nga mga gihimo sama sa mga unang lumulupyo didto, aron dili ninyo mahugawan ang inyong kaugalingon tungod niini. Ako mao ang Ginoo nga inyong Dios.’ ”Lev 19:37; Lev 20:8