Psa Mga Salmo, salmo Ang Libro sa Mga Salmo, salmo 107
Ikalimang Libro
Sal. 107–150
Pasalamati ang Ginoo, kay maayo siya;
ang iyang gugma walay kataposan.
Isulti ninyo kana, kamong iyang giluwas
sa kamot sa mga kaaway.Psa 106:10
Kay gitigom niya kamo gikan sa mga yuta sa sidlakan,
kasadpan, amihan, ug habagatan.
Adunay mga tawo nga naglatagaw sa kamingawan;
wala nila matultoli ang agianan paingon
sa siyudad nga mahimo nilang kapuy-an.Heb 11:9; Heb 11:37; Heb 13:14
Gigutom sila ug giuhaw,
ug gibati nila nga daw mamatay na sila.
Sa ilang kalisod, mitawag sila sa Ginoo,
ug giluwas niya sila.Psa 22:5
Gitultolan niya sila sa diretso nga dalan paingon
sa siyudad nga ilang kapuy-an.
Angay silang magpasalamat sa Ginoo tungod
sa iyang gugma
ug sa iyang katingalahang mga buhat
ngadto sa mga tawo.
Kay gipainom niya ang giuhaw
ug gibusog niya ang gigutom.Psa 34:10; Psa 145:16
Adunay mga tawo nga gibilanggo nga gikadenahan
ug naglingkod sa labihan kangitngit nga bilanggoan,Job 36:8
tungod kay misupak sila sa mga sugo
sa Labing Halangdong Dios
ug gipakawalay-bili nila ang iyang mga pahimangno.
Busa gilisod-lisod niya sila
sa mabug-at nga mga buluhaton.
Nangatumba sila apan walay mitabang kanila.2Ki 14:26
Sa ilang kalisod, mitawag sila sa Ginoo,
ug giluwas niya sila.
Gipamugto niya ang ilang mga kadena
ug gipagawas niya sila
gikan sa labihan kangitngit nga bilanggoan.
Angay silang magpasalamat sa Ginoo
tungod sa iyang gugma
ug sa iyang katingalahang mga buhat ngadto sa mga tawo.
Kay gipangguba niya ang mga pultahan nga bronsi
ug gipangbali ang mga rehas nga puthaw.Psa 116:16; Isa 45:2; Nam 1:13
Adunay mga tawo nga nahimong buang-buang
tungod sa ilang pagkamalapason
ug nag-antos sila tungod sa ilang pagkadaotan.
Silang tanan wala nay ganang mokaon
ug himalatyon na.Job 33:20
Sa ilang kalisod, mitawag sila sa Ginoo,
ug giluwas niya sila.
Gipamulong lang niya ug nangaayo sila.
Giluwas niya sila gikan sa kamatayon.
Angay silang magpasalamat sa Ginoo
tungod sa iyang gugma
ug sa iyang katingalahang mga buhat ngadto sa mga tawo.
Angay silang mohalad ug mga halad
sa pagpasalamat sa Dios;
ug pinaagi sa awit sa kalipay
isugilon nila ang iyang mga buhat.Psa 50:14; Psa 116:17
Adunay mga tawo nga misakay sa mga barko
ingon nga mga trabahante o negosyante.
Nakita nila ang katingalahang mga buhat sa Ginoo
diha sa kadagatan.
Sa iyang pagmando, mihangin ug kusog
ug nanagko ang mga balod,Jon 1:4; Mat 8:24
hinungdan nga ang ilang sakayan mopataas
ug unya kalit lang nga mopaubos.
Tungod niini, nawad-an sila ug kaisog.
Nagsusapinday sila nga daw sa mga hubog
ug wala na sila mahibalo kon unsay ilang himuon.Isa 29:14; Ezk 7:26
Sa ilang kalisod, mitawag sila sa Ginoo,
ug giluwas niya sila.
Gipahunong niya ang kusog nga hangin
ug milinaw ang dagat.Mat 14:32
Nalipay sila sa dihang milinaw ang dagat,
ug gitultolan sila sa Dios sa dunggoanan
nga ilang gipangandoy.
Angay silang magpasalamat sa Ginoo
tungod sa iyang gugma
ug sa iyang katingalahang mga buhat
ngadto sa mga tawo.
Angay nilang pasidunggan
ug dayegon ang Dios diha sa ilang panagtigom
ug sa panagtigom sa ilang mga tigdumala.
Gihimong disyerto sa Ginoo ang mga kasubaan,
ug gipamad-an niya ang mga tuboran.
Gihimo niyang walay pulos ang maayo nga yuta,
tungod sa pagkadaotan sa mga namuyo niini.1Ki 17:1; Jol 1:10
Gihimo niyang katubigan ang disyerto,
ug gihimo niyang mga tuboran ang mga malang yuta.Isa 41:18
Gipapuyo niya didto ang gipanggutom
ug nagtukod sila ug siyudad nga ilang puy-an.
Nagpugas sila sa kaumahan ug nagtanom ug ubas,
ug abunda ang ilang mga abot.
Gipanalanginan sila sa Dios,
ug midaghan sila pag-ayo.
Bisan ang ilang mga mananap misanay usab.
Tungod sa pagpangdaog-daog, kasakit, ug kasubo,
migamay ang ilang gidaghanon ug naulawan sila.Psa 44:25
Gipakita sa Dios ang iyang kasuko
sa mga nangdaog-daog kanila
pinaagi sa pagpahisalaag kanila sa disyerto
nga walay mga dalan.Job 12:21
Apan gihaw-as niya ang mga kabos
gikan sa ilang mga pag-antos,
ug gihimo niyang sama kadaghan sa panon sa mga hayop
ang ilang mga pamilya.1Sa 2:8
Nakita kini sa mga matarong ug nalipay sila,
apan ang tanang mga daotan wala gayoy ikasulti.Job 5:16; Job 22:19
Hinaut nga mamalandong niining mga butanga
ang mga maalamon,