1Кар 1 Карынфянам, раздзел Першае пасланне да Карынфян, раздзел 1
Павал, воляй Божаю пакліканы апостал Ісуса Хрыста, і Сасфэн брат,Дзеі 18:17; Рым 1:1
Царкве Божай, якая ў Карынфе, асьвечаным у Хрысьце Ісусе, пакліканым сьвятым, з усімі, хто заклікае імя Госпада нашага Ісуса Хрыста, у кожным месцы, у іх і ў нас:Ян 17:19; Дзеі 15:9; 1Фес 4:7; 2Цім 2:19
мілата вам і мір ад Бога Айца нашага і Госпада Ісуса Хрыста.1Пётр 1:2
Не перастаю дзякаваць Богу майму за вас, дзеля мілаты Божай, дадзенай вам у Хрысьце Ісусе.2Фес 1:3
Бо ў Ім вы ўзбагаціліся ўсім, усякім словам і ўсякім разуменьнем,Кал 1:9
бо сьведчаньне Хрыстовае сьцьвердзілася ў вас,1Кар 2:2
так што вы ня маеце нястачы ні ў якім дараваньні, чакаючы зьяўленьня Госпада нашага Ісуса Хрыста,1Кар 12:11; Флп 3:20; Ціт 2:13
Які і ўмацуе вас да канца, каб вам быць бязьвіннымі ў дзень Госпада нашага Ісуса Хрыста.1Фес 3:13
Верны Бог, Якім вы пакліканыя да супольнасьці з Сынам Ягоным, Ісусам Хрыстом, Госпадам нашым.1Фес 5:24
Малю вас, браты, імем Госпада нашага Ісуса Хрыста, каб усе вы гаварылі адно, і ня было паміж вамі падзелаў, а каб вы спалучаны былі ў адным духу і ў адных помыслах.Рым 15:5; Флп 2:2
Бо ад дамашніх Хлоіных сталася мне вядома пра вас, браты мае, што паміж вамі ёсьць незлагадзь.
Я разумею тое, што ў вас кажуць: «я Паўлаў»; «я Апалосаў»; «я Кіфаў»; «а я Хрыстоў».Дзеі 18:24
Хіба падзяліўся Хрыстос? хіба Павал крыжаваўся за вас? альбо ў імя Паўлава вы ахрысьціліся?Эф 4:5
Дзякую Богу, што я нікога з вас ня хрысьціў, акрамя Крыспа і Гаія,Дзеі 18:8
каб не сказаў хто, што я хрысьціў у імя маё.
Хрысьціў я таксама Сьцяпанаў дом; а ці хрысьціў я яшчэ каго, ня ведаю.
Бо Хрыстос паслаў мяне ня хрысьціць, а зьвеставаць, ня ў мудрасьці слова, а каб не зьнясіліць крыж Хрыстовы.2Пётр 1:16; 1Кар 2:13
Бо слова пра крыж для пагібельных - юродзтва ёсьць, а нам, што ратуемся, - сіла Божая!Дзеі 17:18; Рым 1:16
Бо напісана: «Я зьнішчу мудрасьць мудрацоў, і розум разумных адкіну».Іс 29:14
Дзе мудрэц? дзе кніжнік? дзе суразмоўца веку гэтага? Ці не абярнуў Бог мудрасьць сьвету гэтага ў неразумнасьць?Іс 33:18; Іс 44:25
Бо калі сьвет сваёй мудрасьцю не спазнаў Бога ў мудрасьці Божай, дык заўгодна было Богу юродзтвам пропаведзі выратаваць веруючых.Мц 11:25
Бо і Юдэі патрабуюць цудаў, і Эліны шукаюць мудрасьці;Мц 12:38; Мц 16:1
а мы прапаведуем Хрыста ўкрыжаванага, для Юдэяў камень спатыкненьня, а для Элінаў неразумнасьць,Іс 8:14; Дзеі 17:18; Рым 9:32
а для саміх пакліканых, Юдэяў і Элінаў, Хрыста, Божую сілу і Божую мудрасьць;Рым 1:16; Кал 2:3
бо і буянае Божае мудрэйшае за людзей, і нямоцнае Божае мацнейшае за людзей.
Паглядзеце, браты, хто вы, закліканыя: няшмат сярод вас мудрых па плоці, няшмат моцных, няшмат высакародных;Ян 7:48; Як 2:5
але Бог выбраў буянае сьвету, каб пасароміць мудрых, і нямоглае сьвету выбраў Бог, каб пасароміць моцнае;2Кар 10:5
і бязроднае сьвету і пагарджанае і нічога ня значнае выбраў Бог, каб зьнясіліць значнае;
на тое, каб ніякая плоць не пахвалялася перад Богам.Рым 3:27; Эф 2:9
Ад Яго і вы ў Хрысьце Ісусе, Які зрабіўся нам мудрасьцю ад Бога, праведнасьцю і асьвячэньнем і адкупленьнем,Ер 23:5; Ян 17:19; 1Пётр 1:18; Кал 2:3
каб было, як напісана: «хто хваліцца, хваліся Госпадам».Ер 9:24; 2Кар 10:17