Дзеі Дзеі Апосталаў, раздзел Дзеі Святых Апосталаў, раздзел 3
Пётр і Ян ішлі разам у храм а дзявятай гадзіне малітвы.
І быў чалавек, кульгавы ад улоньня маці ягонай, якога насілі і садзілі кожнага дня каля дзьвярэй храма, што называліся Прыгожымі, прасіць міласьціны ў тых, што ўваходзілі ў храм;
ён, убачыўшы Пятра і Яна каля ўваходу ў храм, прасіў у іх міласьціны.
Пётр зь Янам, прыгледзеўшыся да яго, сказаў: зірні на нас.
І той пільна глядзеў на іх, спадзяючыся атрымаць ад іх што-небудзь.
Але Пётр сказаў: срэбра і золата няма ў мяне, а што маю, тое даю табе: у імя Ісуса Хрыста Назарэя ўстань і хадзі.
І, узяўшы яго за правую руку, падняў; і раптам умацаваліся ў таго ступакі і калені,
і, ускочыўшы, устаў, і пачаў хадзіць, і ўвайшоў зь імі ў храм, пахаджаючы і падскокваючы, і славячы Бога,Іс 35:6
і ўсе людзі бачылі, як ён хадзіў і славіў Бога;
і пазналі яго, што гэта быў той самы, які сядзеў каля Прыгожых дзьвярэй храма дзеля міласьціны, і напоўніліся жахам і зьдзіўленьнем з таго, што сталася зь ім.
І як што аздароўлены кульгач не адступаўся ад Пятра і Яна, дык увесь люд у зьдзіўленьні зьбегся да іх у прытвор, называны Саламонавым.3Цар 6:3
Убачыўшы гэта, Пётр сказаў люду: мужы Ізраільскія! што дзівуецеся з гэтага, або чаго глядзіце на нас, быццам мы сваёй сілаю і пабожнасьцю зрабілі так, што ён ходзіць.
А Бог Абрагамаў і Ісаакаў і Якаваў, Бог бацькоў нашых праславіў Сына Свайго Ісуса, Якога вы прадалі і Якога зракліся перад абліччам Пілата, калі ён судзіў адпусьціць Яго.Дзеі 5:31; Флп 2:9
Але Сьвятога і Праведнага вы адцураліся, і прасілі памілаваць чалавека-душагуба,Мц 27:20; Мк 15:11; Лк 23:18; Ян 18:40
а Пачынальніка Жыцьця забілі; Гэтага Бог уваскрэсіў зь мёртвых, і мы сьведкі таго.Дзеі 2:24; Дзеі 2:32; Дзеі 5:32; Дзеі 13:30; Дзеі 17:31
І празь веру ў імя Ягонае, імя Ягонае ўмацавала гэтага, якога вы бачыце і ведаеце, і вера, якая ад Яго, дала яму ацаленьне гэтае перад ўсімі вамі.
А цяпер, я ведаю, браты, што вы як і начальнікі вашыя, зрабілі гэта празь несьвядомасьць;Лк 23:34; Ян 16:3; Дзеі 13:27
А Бог так учыніў, як прадвяшчаў вуснамі ўсіх Сваіх прарокаў - пацярпець Хрысту, так і выканаў.Лк 24:27; Дзеі 26:22
Дык пакайцеся і навярнецеся, каб загладзіліся грахі вашыя,
хай прыйдуць часіны лагоды ад аблічча Гасподняга, і хай пашле Ён наканаванага вам Ісуса Хрыста,Іс 49:10
Якога неба павінна было прыняць да часу зьдзяйсьненьня ўсяго, што казаў Бог вуснамі ўсіх сьвятых Сваіх прарокаў ад веку.Ас 2:23; Ас 3:5; Ян 10:16
Майсей сказаў бацькам: «Гасподзь Бог ваш паставіць вам з братоў вашых Прарока, як мяне; слухайцеся Яго ва ўсім, што Ён ні будзе казаць вам;Мц 17:5; Дзеі 7:37
і будзе, што кожная душа, якая не паслухаецца Прарока Таго, зьнішчыцца з народу».Дрз 18:15; Дрз 18:18
І ўсе прарокі ад Самуіла і пасьля яго, колькі іх ні вяшчалі, таксама абвясьцілі наперад дні гэтыя.
Вы сыны прарокаў і запавету, які запавядаў Бог бацькам вашым, кажучы Абрагаму: «і ў семені тваім дабраславяцца ўсе плямёны зямныя».Быц 12:3; Дзеі 2:39; Рым 9:4; Гал 3:8
Бог, уваскрэсіўшы Сына Свайго Ісуса, да вас першых паслаў Яго дабраславіць вас, адхіляючы кожнага з вас ад ліхіх дзеяў вашых.Мц 10:6; Дзеі 13:46