Вых Выхад, раздзел Другая кніга Майсеева. Выхад, раздзел 40
І наказаў Гасподзь Майсею сказаць:
у першы месяц, у першы дзень месяца пастаў скінію сходу,2Пар 1:3
і пастаў у ёй каўчэг адкрыцьця, і захіні каўчэг заслонаю;Вых 26:33
і ўнясі стол і пастаў на ім усе рэчы яго, і ўнясі сьвяцільню і пастаў на ёй лампады яе;
і пастаў залаты ахвярнік, каб дыміць перад каўчэгам адкрыцьця, і павесь заслону на ўваходзе ў скінію;Вых 30:1
і пастаў ахвярнік цэласпаленьня перад уваходам у скінію сходу;
і пастаў умывальнік паміж скініяй сходу і ахвярнікам і налі ў яго вады;
і пастаў двор вакол і павесь заслону ў браме двара.
І вазьмі алею памазаньня, і памаж скінію і ўсё, што ў ёй, і асьвяці яе і ўсе прылады яе, і будзе сьвята;Вых 30:26
памаж ахвярнік цэласпаленьня і ўсе прылады яго і асьвяці ахвярнік, і будзе ахвярнік сьвятыня вялікая;Лік 7:1
і памаж умывальнік і падножжа яго і асьвяці яго.
І прывядзі Аарона і сыноў ягоных да ўваходу ў скінію сходу і абмый іх вадою;Вых 29:4
і апрані Аарона ў сьвяшчэннае адзеньне, і памаж яго, і асьвяці яго, каб ён быў сьвятаром Мне.
І сыноў ягоных прывядзі, і апрані іх у хітоны,Вых 29:8
і памаж іх, як памазаў ты бацьку іхняга, каб яны былі сьвятарамі Мне, і памазаньне іх прысьвеціць іх у вечнае сьвятарства ў роды іхнія.
І зрабіў Майсей усё: як загадаў яму Гасподзь, так і зрабіў.Вых 7:10
У першы месяц другога года, у першы дзень месяца пастаўлена скінія.Лік 7:1
І паставіў Майсей скінію, паклаў падножжы яе, паставіў брусы яе, паклаў жэрдкі і паставіў слупы яе,
напяў покрыва над скініяю і паклаў века паверсе гэтага покрыва, як загадаў Гасподзь Майсею.
І ўзяў і паклаў адкрыцьцё ў каўчэг, і ўклаў жэрдкі ў колцы каўчэга, і паклаў века на каўчэг зьверху;Лік 7:1; Габр 9:4
і ўнёс каўчэг у скінію, і павесіў заслону, і засланіў каўчэг адкрыцьця, як загадаў Гасподзь Майсею.
І паставіў стол у скініі сходу на паўночным баку скініі, паза заслонаю,Вых 26:35
і расклаў на ім рад хлябоў перад Госпадам, як загадаў Гасподзь Майсею.Вых 25:23; Вых 25:30; 1Цар 21:6
І паставіў сьвяцільню ў скініі сходу насупраць стала, на паўднёвым баку скініі,Вых 25:31
і паставіў лампаду перад Госпадам, як загадаў Гасподзь Майсею.
І паставіў залаты ахвярнік у скініі сходу перад заслонаю
і задыміў на ім пахучае дымленьне, як загадаў Гасподзь Майсею.Вых 30:7
І павесіў заслону пры ўваходзе ў скінію;
і ахвярнік цэласпаленьня паставіў каля ўваходу ў скінію сходу і прынёс на ім цэласпаленьні і ахвяру хлебную, як загадаў Гасподзь Майсею.Вых 27:1
І паставіў умывальнік паміж скініяй сходу і ахвярнікам і наліў у яго вады для абмываньня,Вых 30:18
і абмывалі зь яго Майсей і Аарон і сыны ягоныя рукі свае і ногі свае;
калі яны ўваходзілі ў скінію і падыходзілі да ахавярніка, тады і абмывалі, як загадаў Гасподзь Майсею.Вых 29:4; Вых 30:19
І паставіў двор вакол скініі і ахвярніка і павесіў заслону ў браме двара. І так закончыў Майсей дзею.
І ўкрыла воблака скінію сходу.Лік 9:15; 3Цар 8:10
І ня мог Майсей увайсьці ў скінію, бо засланяла яго воблака, і слава Гасподняя напаўняла скінію.
Калі падымалася воблака ад скініі, тады выпраўляліся ў дарогу сыны Ізраілевыя падчас усяго падарожжа свайго;Лік 9:21; Лік 14:14
калі ж не падымалася воблака, дык і яны не выпраўляліся ў дарогу, пакуль яно не падымалася;
бо воблака Гасподняе стаяла над скініяй удзень, і агонь быў уначы ў ёй перад вачыма ўсяго дома Ізраілевага падчас усяго падарожжа іхняга.Пс 77:14; Іс 4:5; 1Кар 10:1