Гал Галатам, раздзел Пасланне да Галатаў, раздзел 4
Яшчэ скажу: спадкаемец, пакуль у маленстве, нічым не адрозьніваецца ад раба, хоць і гаспадар усяго:
ён пад апекунамі і кіраўнікамі аж да часу вызначанага бацькам.
Гэтак і мы, пакуль былі ў маленстве, былі паняволеныя рэчавым пачаткам сьвету;Гал 5:1; Кал 2:20
але калі споўніўся час, Бог паслаў Сына Свайго (Адзінароднага), Які нарадзіўся ад жанчыны і хадзіў пад законам,Іс 7:14; Лк 1:31
каб адкупіць падзаконных, каб нам атрымаць усынаўленьне.Рым 8:15
А як што вы - сыны, дык Бог паслаў у сэрцы вашыя Духа Сына Свайго, Які ўсклікае: «Абба, Войча!»
Таму ты ўжо ня раб, а сын; а калі сын, дык і спадкаемец Божы празь Ісуса Хрыста.Гал 3:29
Але тады, ня ведаючы Бога, вы служылі божышчам, якія па сутнасьці не багі;Эф 2:12
а сёньня, уведаўшы Бога, альбо лепей, атрымаўшы пазнаньне ад Бога, навошта вяртаецеся зноў да бясьсілых і ўбогіх матар'яльных пачаткаў, і хочаце яшчэ зноў падняволіцца ім?1Кар 13:12; Габр 7:18; Габр 10:1
Вы пільна зважаеце на дні, месяцы, поры і гады.Кал 2:16
Баюся за вас, ці ня марна я працаваў у вас.
Прашу вас, браты, будзьце, як я, таму што і я, як вы. Вы нічым не пакрыўдзілі мяне:
ведаеце, што, хоць я ў нядужай плоці зьвеставаў вам першы раз,
але вы не пагардзілі спакушэньня майго ў плоці маёй і не пагрэбавалі мною, а прынялі мяне, як анёла Божага, як Хрыста Ісуса.
Якія вы былі дабрашчасныя! Сьведчу пра вас, што, калі б можна было, вы б вырвалі вочы свае і аддалі мне.
І вось, няўжо я стаўся ворагам вашым, кажучы вам праўду?
Рупяцца за вас нячыста, і хочуць вас адвярнуць, каб вы рупіліся пра іх.
Добра рупіцца ў добрым заўсёды, а не ў маёй толькі прысутнасьці ў вас.
Дзеці мае! я зноў дзеля вас у пакутах народзінаў, пакуль вобраз Хрыста ня выявіцца ў вас.
Хацеў бы я цяпер быць у вас і зьмяніць голас мой, бо я ў недаўменьні пра вас.
Скажэце мне вы, хто хоча быць пад законам: хіба вы ня слухаецеся закона?
Бо напісана: «Абрагам меў двух сыноў, аднаго ад рабыні, а другога ад вольнай».Быц 16:15; Быц 21:2
Але які рабыніч, той народжаны па плоці; а які ад вольнай, той па абяцаньні.Рым 9:8
У гэтым ёсьць іншы сэнс. Гэта два запаветы: адзін ад гары Сінайскай, які родзіць на рабства, які ёсьць Агар,Рым 8:15
бо Агар азначае гару Сінай у Аравіі і адпавядае цяперашняму Ерусаліму, бо ён зь дзецьмі сваімі ў рабстве;
а вышэйшы Ерусалім вольны: Ён - маці ўсім нам.Іс 60:1; Габр 12:22; Адкр 21:2
Бо напісана: «узьвесяліся, няплодная, ты, што ня родзіш; усклікні і гукні, ты, што ня мучылася ў родах; бо ў пакінутай куды болей дзяцей, чым у той, што мае мужа».Іс 54:1
Мы, браты, дзеці абяцаньня, як Ісаак.Рым 9:8
Але як тады народжаны ад плоці гнаў таго, хто ад Духа, так і сёньня.Быц 21:9
Што ж кажа Пісаньне? «Выгані рабыню і сына яе, бо сын рабыніч не спадчыньніць разам з сынам вольнае».Быц 21:10
Таму, браты, мы дзеці не рабыні, а вольнай.Гал 3:29