Іс Ісая, раздзел Кніга прарока Ісаі, раздзел 24
Вось, Гасподзь спусташае зямлю і робіць яе няплоднай; мяняе паверхню яе і расьсейвае тых, што жывуць на ёй.Ер 13:24; Ер 18:17; Езк 5:10
І што будзе народу, тое і сьвятарам; што слузе, тое і гаспадару ягонаму; што служанцы, тое і гаспадыні яе; што пакупцу, тое і прадаўцу, што пазыкоўцу, тое і пазычальніку, што ліхвяру, тое і ліхвадаўцу.Ас 4:9
Зямля спустошана ўшчэнт і зусім зрабаваная, бо Гасподзь вымавіў слова гэтае.
Бядуе заняпалая зямля; паніклы, заняпалы сусьвет; паніклі ўсе землі, што ўзвышаліся над народам.
І зямля апаганена пад тымі, што жывуць на ёй, бо яны пераступілі законы, зьмянілі статут, парушылі вечны запавет.Саф 1:3
Затое праклён паядае зямлю, і нясуць кару тыя, што жывуць на ёй; затое спалены насельнікі зямлі, і няшмат засталося людзей.Іс 1:9
Плача сок гронкі; баліць вінаграднай лазе; уздыхаюць усе, хто весяліўся сэрцам.
Спынілася весялосьць з тымпанамі; змоўк шум вясёлых; сьціхлі гукі арфы;Ер 16:9; Езк 26:13; Ас 2:11
ужо ня п'юць віна зь песьнямі; згарчэла сікера піткам яе.
Разбураны апусьцелы горад, усе дамы замкнутыя, нельга ўвайсьці.
Плачуць па віне на вуліцах; запамрочылася ўсялякая радасьць; выгнана ўсялякая весялосьць зямлі.
У горадзе засталося запусьценьне, і брамы разваліліся.
А пасярод зямлі, паміж народамі, будзе тое самае, што бывае пры абіваньні масьлін, пры абіраньні вінаграду, калі закончаны збор.Іс 17:5
Яны ўзвысяць свой голас, перамогуць у велічы Госпада, гучна клікацьмуць мора.Іс 12:5
Дык вось, слаўце Госпада на ўсходзе, на выспах марскіх - імя Госпада Бога Ізраілевага.
Ад краю зямлі мы чуем песьню: «Слава Праведнаму!» І сказаў я: бяда мне, бяда мне! жаль мне! ліхадзеі ліхадзейнічаюць, і ліхадзейнічаюць ліхадзеі ліхадзейна.
Жудасьць і яма і пятля табе, жыхар зямлі!
Тады той, хто пабег ад крыку жудасьці, упадзе ў яму; і хто выйдзе зь ямы, трапіць у пятлю; бо вокны зь нябеснай вышыні адчыняцца, і асновы зямлі здрыгануцца.Ер 48:44
Зямля руйнуецца, зямля распадаецца, зямля моцна патрэсена;Ер 2:37; Ер 32:5
хістаецца зямля, як п'яны, і гойдаецца, як калыска, і беззаконьне яе цяжарам на ёй; яна ўпадзе - і ўжо ня ўстане.Іс 19:14; Ёў 27:18
І станецца таго дня: наведае Гасподзь войска вышняе ў высях і цароў зямных на зямлі.Іс 5:14; Іс 40:2
І будуць сабраныя разам, як вязьні, у яму і будуць увязьнены ў цямніцы, і праз многа дзён будуць пакараныя.Езк 32:18
І счырванее месяц, і пасаромеецца сонца, калі Гасподзь Саваоф зацаруе на гары Сіёне і ў Ерусаліме, і перад старэйшынамі яго ўславіцца.Іс 13:10