Мк Марка, раздзел Паводле Марка Святое Дабравесце, раздзел 1
Пачатак Дабравесьця Ісуса Хрыста, Сына Божага,
як напісана ў прарокаў: «вось, Я пасылаю анёла Майго перад Табою».Мал 3:1; Мц 11:10; Лк 7:27
«Голас таго, хто кліча ў пустыні: падрыхтуйце шлях Госпаду, простымі зрабеце сьцежкі Яму».Іс 40:3; Мц 3:3; Лк 3:4; Ян 1:23
Зьявіўся Ян, хрысьцячы ў пустыні і прапаведуючы хрышчэньне пакаяньня на дараваньне грахоў.Мц 3:1; Лк 3:3; Ян 1:31; Дзеі 13:24
І выходзілі да яго ўся краіна Юдэйская і Ерусалімляне; і хрысьціліся ў яго ўсе ў рацэ Ярдане, спавядаючыся ў грахах сваіх.
А ў Яна была вопратка зь вярблюджага воласу і скураны пояс на паясьніцы ягонай, і еў акрыды і дзікі мёд.Ляв 11:22; Мц 3:4
І прапаведаваў, кажучы: ідзе за мною Мацнейшы за мяне, у Якога я ня варты, нахіліўшыся, разьвязаць рэмень абутку Ягонага;Лк 3:16; Ян 1:27
я хрысьціў вас вадою, а Ён будзе хрысьціць вас Духам Сьвятым.Дзеі 1:5; Дзеі 2:4; 1Кар 12:13
І было ў тыя дні, прыйшоў Ісус з Назарэта Галілейскага і хрысьціўся ў Яна ў Ярдане.Мц 3:13; Лк 3:21
І калі выходзіў з вады, убачыў адразу Ян, як адчыніліся нябёсы, і Духа, як голуба, Які сыходзіў на Яго.Мц 3:16; Лк 3:21; Ян 1:32
І голас быў зь нябёсаў: «Ты Сын Мой Любасны, Якога Я ўпадабаў».
І адразу пасьля гэтага Дух вядзе Яго ў пустыню.Мц 4:1; Лк 4:1
І быў Ён там у пустыні сорак дзён, спакушаны сатаною, і быў са зьвярамі; і анёлы слугавалі Яму.
А пасьля таго, як прададзены быў Ян, прыйшоў Ісус ў Галілею, прапаведуючы Дабравесьце Царства Божага,Мц 4:12; Лк 4:14; Ян 4:43
і кажучы, што прыйшоў час і наблізілася Царства Божае: пакайцеся і веруйце ў Дабравесьце.Мц 4:17
А праходзячы каля мора Галілейскага, убачыў Сымона і Андрэя, брата ягонага, якія закідвалі мярэжы ў мора, бо яны былі рыбакі.Мц 4:18
І сказаў ім Ісус: ідзеце за Мною, і Я зраблю вас лаўцамі людзей.
І яны адразу, пакінуўшы мярэжы свае, пайшлі за Ім.
І прайшоўшы адтуль далей, Ён угледзеў Якава Зевядзеевага і Яна, брата ягонага, таксама ў лодцы; яны ладзілі мярэжы,
і адразу заклікаў іх. І яны, пакінуўшы бацьку свайго Зевядзея ў лодцы з работнікамі, пайшлі за Ім.
І прыходзяць у Капернаум; і неўзабаве ў суботу ўвайшоў Ён у сынагогу і вучыў.Мц 4:13; Лк 4:31
І зьдзіўляліся з вучэньня Ягонага, бо Ён вучыў іх як той, хто ўладу мае, а не як кніжнікі.Мц 7:28; Лк 4:32
У сынагозе іхняй быў чалавек, апанаваны духам нячыстым, і закрычаў:Лк 4:33
кінь, што Табе да нас, Ісусе Назаранін? Ты прыйшоў пагубіць нас! ведаю Цябе, хто Ты, Сьвяты Божы.Дан 9:24; Мц 8:29; Як 2:19
Але Ісус загразіў яму, кажучы: змоўкні і выйдзі зь яго.
Тады дух нячысты, скалануўшы яго і закрычаўшы зычным голасам, выйшаў зь яго.
І жахнуліся ўсе, і пыталіся адзін у аднаго: што гэта? што гэта за вучэньне новае, што Ён і духам нячыстым загадвае і яны слухаюцца Яго.
І хутка разышлася пра Яго пагалоска па ўсіх землях вакол Галілеі.
Выйшаўшы неўзабаве з сынагогі, прыйшлі ў дом Сымона і Андрэя зь Якавам і Янам.Мц 8:14; Лк 4:38
А Сымонава цешча ляжала ў гарачцы; і адразу кажуць Яму пра яе.
Падышоўшы, Ён падняў яе, узяў яе за руку; і гарачка адразу пакінула яе, і яна пачала слугаваць ім.
А як зьмяркалася, калі заходзіла сонца, прыносілі да Яго ўсіх хворых і апанаваных дэманамі.Мц 8:16; Лк 4:40
І ўвесь горад сабраўся да дзьвярэй.
І Ён ацаліў многіх, што цярпелі ад розных хваробаў; выгнаў шмат дэманаў і не дазваляў дэманам гаварыць, бо яны ведалі, што Ён Хрыстос.Мк 3:12; Лк 4:41; Дзеі 16:17; Дзеі 19:15
А нараніцу, устаўшы на досьвітку, выйшаў і пайшоў у пустэльнае месца, і там маліўся.
Сымон і тыя, хто быў зь Ім, пайшлі за Ім;
і, знайшоўшы Яго, кажуць Яму: усе шукаюць Цябе.
Ён кажа ім: хадзем у бліжэйшыя селішчы і гарады, каб Мне і там зьвеставаць, бо Я на тое і прыйшоў.Лк 4:43
І Ён зьвеставаў у сынагогах іхніх па ўсёй Галілеі, і выганяў дэманаў.
Прыходзіць да Яго пракажоны і, просячы Яго на каленях, кажа Яму: калі хочаш, можаш мяне ачысьціць.Мц 8:2; Лк 5:12
Ісус, умілажаліўшыся зь яго, працягнуў руку, дакрануўся да яго і сказаў яму: хачу, ачысьціся.
Пасьля гэтага слова праказа адразу сыйшла зь яго, і ён стаўся чыстым.
І гнеўна выгаварыўшы яму, адразу прагнаў яго
і сказаў яму: глядзі, нікому нічога не кажы; а ідзі, пакажыся сьвятару і ахвяруй за ачышчэньне тваё, што загадаў Майсей, на сьведчаньне ім.Ляв 13:2; Мц 8:4; Лк 5:14
А ён, выйшаўшы, пачаў абвяшчаць і расказваць пра тое, што адбылося, так што Ісус ня мог ужо адкрыта ўвайсьці ў горад, а быў звонку, у мясьцінах пустэльных. І прыходзілі да Яго адусюль.