Пс Псалтыр, псалом Псалтыр, псалом 108
Кіроўцу хору. Псальма Давідава.
Божа хвалы маёй! не прамаўчы,
бо разьзявіліся на мяне вусны бязбожныя і вусны падступныя;Мк 14:56
адусюль атачылі мяне словамі нянавісьці, узбройваюць супраць мяне бяз прычыны;
за любоў маю ваююць супраць мяне; а я малюся;Пс 119:7; Ян 8:40
аддаюць мне злом за дабро, за любоў маю - нянавісьцю.Пс 34:12; Ер 18:20
Пастаў над імі бязбожнага, і д'ябал хай стане праваруч яго.Ёў 17:8
Калі будзе судзіцца, хай будзе вінаваты, і малітва ягоная няхай стане грэхам;
хай дні ягоныя будуць кароткія, і пасад ягоны іншы хай прыймае;Ян 17:12; Дзеі 1:20
дзеці ягоныя няхай будуць сіротамі, а жонка ягоная - удавою;Дрз 28:32
хай бадзяюцца дзеці ягоныя і жабруюць, і просяць хлеба з руінаў сваіх;Ёў 20:10
хай захопіць ліхвяр усё, што ёсьць у яго, хай другія захопяць працу ягоную;Дрз 28:43
хай ніхто яму не паспагадае; хай ніхто ня зьлітуецца зь сіротаў ягоных;
хай будуць нашчадкі ягоныя на пагібель, і хай забудзецца іхняе імя ў наступным родзе;Вых 20:5; Ёў 18:19; Іс 14:22
хай згадаецца прад Госпадам беззаконьне бацькоў ягоных, і грэх маці ягонай хай не загладзіцца;Вых 20:5; Ер 18:23
хай будуць заўсёды яны ў вачах Госпада, і хай вынішчыць Ён на зямлі пра іх памяцьВыс 10:7; Мц 27:25
за тое, што ён ня думаў пра літасьць, а гнаў чалавека беднага і ўбогага і зламанага сэрцам, каб забіць яго;Ёў 24:20; Як 2:13
палюбіў праклён, і праклён спадобіць яго; не захацеў дабраславеньня, яно ад яго і адыдзе;Выс 11:27
хай у пракляцьце апранецца, быццам у рызу, і хай увойдзе яно, як вада, у нутробу ягоную і, як алей, у косткі ягоныя;
хай будзе яно яму, нібы вопратка, у якую ён апранецца, і як пояс, якім заўсёды перапаясваецца.
Такая аддача ад Госпада ворагам маім і тым, што ліхасловяць душу маю!
Са мною, Госпадзе, Госпадзе, чыні дзеля імя Твайго, бо добрая міласьць Твая; уратуй мяне,
бо я бедны і ўбогі, і сэрца маё паранена ўва мне.
Я зьнікаю, быццам цень, калі хіліцца дзень, гоняць мяне, як саранчу.Ёў 14:2; Пс 143:4
Калені мае зьнемаглі ад посту, і цела маё засталося бяз тлушчу.
Я зрабіўся для іх пасьмешышчам; убачыўшы мяне, галовамі круцяць.Пс 21:8; Мц 27:29
Памажы мне, Госпадзе, Божа мой; уратуй мяне з ласкі Тваёй,
хай уведаюць, што гэта Твая рука, і што Ты, Госпадзе, учыніў гэта.Пс 63:10
Яны праклінаюць, а Ты дабраславі; яны паўстаюць, але няхай будуць пасаромленыя; а раб Твой хай радуецца.Мц 5:44; 1Кар 4:12
Хай апрануцца праціўнікі мае ў ганьбу і, як вопраткаю, хай накрыюцца сорамам сваім.
І я голасна буду вуснамі сваімі славіць Госпада і сярод мноства Яго праслаўляць:Пс 21:23
бо Ён стаіць праваруч беднага, каб ратаваць яго ад судзьдзяў душы ягонай.Дзеі 2:25