1. Paralipomenon 4 v různých překladech
Ang Pulong sa Dios
4:1
APD
Mao kini ang uban pang mga kaliwat ni Juda: sila si Perez, Hezron, Carmi, Hur, ug Shobal.
4:2
APD
Ang anak ni Shobal nga si Reaya mao ang amahan ni Jahat. Si Jahat mao ang amahan ni Ahumai ug ni Lahad. Sila ang mga katigulangan sa mga Zorahanon.
4:3
APD
Mao kini ang mga anak ni Etam: sila si Jezreel, Ishma, ug Idbash. Ang ilang igsoong babaye mao si Hazelelponi.
4:4
APD
Si Penuel amahan ni Gedor, ug si Ezer amahan ni Husha. Kini sila mga kaliwat ni Hur, ang kamagulangang anak ni Efrata. Si Hur mao ang katigulangan sa mga taga-Betlehem.
4:5
APD
Si Ashur nga amahan ni Tekoa adunay duha ka asawa, si Hela ug si Naara.
4:6
APD
Mao kini ang iyang mga anak kang Naara: sila si Ahuzam, Hefer, Temeni, ug Haahashtari.
4:7
APD
Ang iyang mga anak kang Hela mao sila si Zeret, Izhar, Etnan,
4:8
APD
ug Koz. Kini si Koz amahan ni Anub ug ni Zobeba, ug ang katigulangan sa pamilya ni Aharhel nga anak ni Harum.
4:9
APD
Adunay usa ka tawo nga ginganlag Jabez. Mas tinahod siya kaysa iyang mga igsoong lalaki. Ginganlan siya sa iyang inahan ug Jabez, kay ingon sa iyang inahan, “Naglisod gayod ako sa pagpanganak kaniya.”
4:10
APD
Nag-ampo si Jabez sa Dios sa Israel: “Hinaut nga panalanginan mo ako ug palapdon mo ang akong teritoryo. Ubani ako ug ilikay sa mga katalagman aron dili ako masakitan.” Ug gitubag sa Dios ang iyang hangyo.
4:11
APD
Si Kelub nga igsoon ni Susa amahan ni Mehir. Si Mehir amahan ni Eshton, ug
4:12
APD
si Eshton amahan nila ni Bet Rafa, Pasea, ug ni Tehina. Si Tehina amahan ni Ir Nahash. Sila ang mga kaliwat ni Reca.
4:13
APD
Ang mga anak ni Kenaz mao si Otniel ug si Seraya. Ang mga anak ni Otniel mao si Hatat ug si Meonotai.
4:14
APD
Si Meonotai amahan ni Ofra. Si Seraya amahan ni Joab. Si Joab ang nagpundar sa Walog sa mga Panday. Gitawag kini nga Walog sa mga Panday tungod kay didto nagpuyo ang daghang panday.
4:15
APD
Mao kini ang mga anak ni Caleb nga anak ni Jefune: sila si Iru, Elah, ug Naam. Ang anak ni Elah mao si Kenaz.
4:16
APD
Ang mga anak ni Jehalelel mao sila si Zif, Zifa, Tiria, ug Asarel.
4:17
APD [4:17–18]
Ang mga anak ni Ezra mao sila si Jeter, Mered, Efer, ug Jalon. Si Mered adunay asawa nga si Bitia nga anak sa hari sa Ehipto. Adunay mga anak sila nga si Miriam, Shamai, ug Ishba. Si Ishba amahan ni Eshtemoa. Aduna usab asawa si Mered nga taga-Juda ug aduna silay anak nga si Jered (nga amahan ni Gedor), Eber (nga amahan ni Soco), ug si Jekutiel (nga amahan ni Zanoa).
4:18
APD
4:19
APD
Gipangasawa ni Hodia ang igsoon ni Naham. Ang usa sa ilang mga anak mao ang amahan ni Keila nga Garminhon, ug ang usa mao ang amahan ni Eshtemoa nga Maacatnon.
4:20
APD
Ang mga anak ni Shimon mao sila si Amnon, Rina, Ben Hanan, ug Tilon. Ang mga kaliwat ni Ishi mao si Zohet ug si Ben Zohet.
4:21
APD
Mao kini ang mga kaliwat ni Shela nga anak ni Juda: si Er (nga amahan ni Leca), si Laada (nga amahan ni Maresha), ang mga pamilya sa mga trabahante sa buhatanan ug lino sa Bet Ashbea,
4:22
APD
si Jokim, ang katawhan sa Cozeba, si Joas, ug si Saraf nga nagdumala sa Moab ug Jashubi Lehem. (Kini nga lista gikan sa karaang mga dokumento.)
4:23
APD
Sila ang mga magkukolon nga nagpuyo sa Netaim ug Gedera. Nagtrabaho sila alang sa hari.
4:24
APD
Ang mga anak ni Simeon mao sila si Nemuel, Jamin, Jarib, Zera, ug Saulo.
4:25
APD
Si Shaul amahan ni Shalum, si Shalum amahan ni Mibsam, ug si Mibsam amahan ni Mishma.
4:26
APD
Si Mishma amahan ni Hamuel, si Hamuel amahan ni Zacur, ug si Zacur amahan ni Shimei.
4:27
APD
Adunay 16 ka mga anak nga lalaki si Shimei ug unom ka mga anak nga babaye. Apan gamay ra ang mga anak sa iyang mga igsoon, busa ang ilang tribo dili sama kadaghan sa katawhan sa Juda.
4:28
APD
Nagpuyo sila sa Beersheba, Molada, Hazar Shual,
4:29
APD
Bilha, Ezem, Tolad,
4:30
APD
Betuel, Horma, Ziklag,
4:31
APD
Bet Markabot, Hazar Susim, Bet Biri, ug Shaaraim. Mao kini ang ilang mga lungsod hangtod sa paghari ni David.
4:32
APD
Nagpuyo usab sila sa lima ka lungsod sa Etam, Ain, Rimon, Token, ug Ashan,
4:33
APD
ug lakip usab sa mga baryo sa palibot niini nga mga lungsod hangtod sa Baalat. Mao kini ang mga dapit nga ilang gipuy-an, ug aduna silay gitipigang listahan sa ilang mga kaliwat. Mao kini ang listahan sa ilang mga kaliwat:
4:34
APD
sila si Meshobab, Jamlec, Josha (nga anak ni Amazia),
4:35
APD
Joel, Jehu (nga anak ni Joshibia ug apo ni Seraya, ug apo sa tuhod ni Aziel),
4:36
APD
Elioenai, Jaakoba, Jeshohaya, Asaya, Adiel, Jesimiel, Benaya,
4:37
APD
ug Ziza (nga anak ni Shifi ug apo ni Alon, ug apo sa tuhod ni Jedaya. Kini si Jedaya anak ni Shimri ug apo ni Shemaya).
4:38
APD
Kini sila mga pangulo sa ilang mga pamilya. Midaghan pag-ayo ang ilang mga kaliwat,
4:39
APD
busa nakaabot sila hangtod sa Gedor, ngadto sa sidlakang bahin sa walog, aron sa pagpangitag sabsabanan sa ilang mga karnero.
4:40
APD
Nakakita sila didto ug labong ug maayo nga sabsabanan. Lapad kini kaayo nga dapit ug malinawon. Didto nagpuyo kaniadto ang ubang mga kaliwat ni Ham.
4:41
APD
Apan niadtong panahon nga si Ezequias ang hari sa Juda, gisulong sila sa mga kaliwat ni Simeon kansang mga ngalan nahisgotan sa ibabaw. Giapil pagsulong sa mga kaliwat ni Simeon ang mga Meunhon nga didto usab namuyo, ug gilaglag sa hingpit. Unya mipuli pagpuyo sa maong dapit ang mga kaliwat ni Simeon, tungod kay adunay sabsabanan didto alang sa ilang mga karnero.
4:42
APD
Misulong ang 500 kanila sa kabungtoran sa Seir. Gipangulohan sila ni Pelatia, Nearia, Refaya, ug Uziel, nga mga anak ni Ishi.
4:43
APD
Gipatay nila ang nahibiling mga Amalekanhon didto, ug sila nay nagpuyo didto hangtod karon.