Deuteronomium 33 v různých překladech
Ang Pulong sa Dios
33:1
APD
Mao kini ang bendisyon nga gisulti ni Moises nga alagad sa Dios sa mga Israelinhon sa wala pa siya mamatay.
33:2
APD
Miingon siya: “Miabot ang Ginoo gikan sa Sinai; nagpadayag siya kanato gikan sa Bukid sa Seir sama sa pagsidlak sa adlaw. Misidlak siya sa mga tawo gikan sa Bukid sa Paran. Miabot siya uban sa linibo ka mga anghel, ug ang iyang tuong kamot adunay nagdilaab nga kalayo.
33:3
APD
Gihigugma gayod sa Ginoo ang iyang katawhan. Gipanalipdan niya sila nga iyang pinili. Busa gisunod nila siya ug gituman ang iyang mando.
33:4
APD
Gihatag kanato ni Moises ang kasugoan ingon nga panulondon natong mga kaliwat ni Jacob.
33:5
APD
Nahimong hari ang Ginoo sa Israel sa dihang nagtigom ang ilang mga pangulo ug ang ilang mga tribo.”
33:6
APD
Mao kini ang giingon ni Moises bahin sa tribo ni Ruben, “Hinaut nga dili mawala ang mga kaliwat ni Ruben bisan gamay lang sila.”
33:7
APD
Miingon si Moises bahin sa tribo ni Juda: “O Ginoo, pamatia ang pagpangayo ug tabang sa tribo ni Juda. Hiusaha sila pag-usab sa ubang mga tribo sa Israel. Panalipdi ug tabangi sila batok sa ilang mga kaaway.”
33:8
APD
Miingon si Moises bahin sa tribo ni Levi: “O Ginoo, gihatag mo ang Tumim ug Urim sa imong matinumanon nga mga alagad nga mao ang mga kaliwat ni Levi. Gisulayan mo sila didto sa Masa ug gibadlong didto sa daplin sa tubig sa Meriba.
33:9
APD
Nagpakita sila ug mas dako nga pag-unong kanimo kaysa ilang mga ginikanan, mga igsoon, ug mga kabataan. Gituman nila ang imong pulong, ug gitipigan nila ang imong kasabotan.
33:10
APD
Tudloan nila ang mga Israelinhon sa imong mga pamalaod ug mga sugo, ug maghalad sila ug insenso ug mga halad nga sinunog diha sa imong halaran.
33:11
APD
O Ginoo, panalangini sila, ug hinaut pa nga malipay ikaw sa tanan nilang mga buhat. Laglaga ang ilang mga kaaway aron dili na makabangon pa.”
33:12
APD
Miingon si Moises bahin sa tribo ni Benjamin: “Palangga sa Ginoo ang tribo ni Benjamin, ug gipahilayo niya sila sa katalagman ug gipanalipdan sa tibuok nga adlaw.”
33:13
APD
Miingon si Moises bahin sa tribo ni Jose: “Hinaut pa nga panalanginan sa Ginoo ang ilang yuta ug padad-an kanunay ug ulan ug tubig gikan sa ilalom sa yuta.
33:14
APD
Hinaut pa nga sa tabang sa adlaw mamunga ang ilang mga tanom ug maayong mga bunga sa panahon sa tingbunga niini.
33:15
APD
Hinaut pa nga ang ilang karaang mga bukid ug mga bungtod mag-anig maayo ug daghang bunga.
33:16
APD
Hinaut pa nga ang ilang yuta mag-ani sa labing maayong mga abot sa kaayo sa Dios nga nagpadayag diha sa nagdilaab nga sampinit. Hinaut pa nga kining mga panalangin magpabilin sa tribo ni Jose kay labaw siya kaysa iyang mga igsoon.
33:17
APD
Ang iyang kusog sama sa kusog sa kamagulangang torong baka. Ang iyang gahom sama sa gahom sa sungay sa ihalas nga baka. Pinaagi niini laglagon niya ang mga nasod bisan kadtong atua sa layo. Mao kini ang akong panalangin sa daghang katawhan sa Efraim ug Manases.”
33:18
APD
Miingon si Moises bahin sa tribo ni Zabulon ug ni Isacar: “Hinaut pa nga mouswag ang tribo ni Zabulon sa ilang negosyo. Hinaut pa nga mouswag ang tribo ni Isacar sa ilang dapit.
33:19
APD
Aghaton nila ang mga tawo sa pag-adto sa bukid sa paghalad sa husto nga mga halad ngadto sa Dios. Magsaulog sila tungod sa daghang panalangin nga nakuha nila sa dagat ug sa baybayon.”
33:20
APD
Miingon si Moises bahin sa tribo ni Gad: “Dalaygon ang Dios nga nagpalapad sa teritoryo sa tribo ni Gad! Nagkinabuhi sila niini nga yuta sama sa liyon nga andam sa pagkunis-kunis sa bukton o sa ulo sa iyang mga kaaway.
33:21
APD
Gipili nila ang labing maayong yuta nga angay alang sa pangulo. Sa dihang magkatigom ang mga tigdumala sa katawhan sa Israel, gisunod nila ang mga ginapatuman sa Ginoo ug ang iyang mga lagda alang sa Israel.”
33:22
APD
Miingon si Moises bahin sa tribo ni Dan: “Ang tribo ni Dan sama sa anak sa liyon nga naglukso-lukso gikan sa Basan.”
33:23
APD
Miingon si Moises bahin sa tribo ni Neftali: “Ang tribo ni Neftali abunda sa panalangin sa Ginoo. Hinaut pa nga maangkon nila ang yuta sa kasadpan ug sa habagatan.”
33:24
APD
Miingon si Moises bahin sa tribo ni Aser: “Hinaut pa nga panalanginan ang tribo ni Aser labaw sa tanang mga tribo sa Israel. Hinaut pa nga malipay kanila ang ilang isigka-Israelinhon ug mahimong abunda ang ilang lana.
33:25
APD
Hinaut pa nga ang mga trangka sa pultahan sa ilang mga lungsod mahisama kalig-on sa puthaw ug bronsi, ug hinaut pa nga magpabilin ang ilang pagkagamhanan samtang buhi pa sila.
33:26
APD
Walay sama sa Dios sa Israel. Sa iyang pagkahalangdon nagsakay siya sa mga panganod sa pagtabang kaninyo.
33:27
APD
Ang walay kataposan nga Dios mao ang inyong dalangpanan; tabangan niya kamo sa iyang walay kataposan nga gahom. Abugon niya ang inyong mga kaaway sa inyong atubangan, ug mosugo siya kaninyo sa paglaglag kanila.
33:28
APD
Busa ang Israel magpuyo nga halayo sa katalagman, sa yuta nga abunda sa trigo ug duga sa ubas, ug diin ang tun-og nga gikan sa langit naghatag ug tubig sa yuta.
33:29
APD
Bulahan kamo, O katawhan sa Israel! Walay sama kaninyo, usa ka katawhan nga giluwas sa Ginoo. Ang Ginoo mao ang manalipod ug motabang kaninyo, ug siya ang makig-away alang kaninyo. Magkamang ang inyong mga kaaway paingon kaninyo, ug tumban ninyo sila sa likod.”