Přísloví 19 v různých překladech
Пераклад Сёмухі
19:1
Сёмуха
Лепш бедны, які ходзіць у сваёй нявіннасьці, чым зь ілжывымі вуснамі, і пры гэтым неразумны.
19:2
Сёмуха
Нядобра душы бязь ведаў, і хто сьпяшаецца нагамі, спатыкаецца.
19:3
Сёмуха
Неразумнасьць чалавека скрыўляе дарогу, а сэрца ягонае гневаецца на Госпада.
19:4
Сёмуха
Багацьце памнажае сяброў, а беднага пакідае і сябар ягоны.
19:5
Сёмуха
Ілжывы сьведка не застаецца без пакараньня, і хто гаворыць няпраўду, не ўратуецца.
19:6
Сёмуха
Многія дагаджаюць заможным; і кожны - сябар чалавеку, які не шкадуе гасьцінцаў.
19:7
Сёмуха
Беднага ненавідзяць усе браты ягоныя, тым болей прыяцелі ягоныя адпадаюць ад яго; гоніцца за словам парады, а іх і на гэта няма.
19:8
Сёмуха
Хто набіраецца розуму, той любіць душу сваю; хто пільнуецца разумнасьці, знаходзіць дабро.
19:9
Сёмуха
Ілжывы сьведка не застаецца без пакараньня; і хто гаворыць няпраўду, загіне.
19:10
Сёмуха
Ня прыстоіць неразумнаму раскоша, тым болей рабу панаваньне над князямі.
19:11
Сёмуха
Здаровы розум робіць чалавека павольным на гнеў, а слава ягоная - паблажлівым да неразважлівых учынкаў.
19:12
Сёмуха
Гнеў цара - як рык ільва, а ласка ягоная - як раса на траву.
19:13
Сёмуха
Неразумны сын - пагібель бацьку ягонаму, а сварлівая жонка - сьцёкавая рына.
19:14
Сёмуха
Дом і маёмасьць - спадчына ад бацькоў, а разумная жонка - ад Госпада.
19:15
Сёмуха
Гультайства наганяе дрымоту, і нядбайная душа будзе галадаць.
19:16
Сёмуха
Захавальнік запаведзі захоўвае душу сваю, а хто ня дбае пра шяхі свае - загіне.
19:17
Сёмуха
Міласэрны да беднага пазычае Госпаду; і Ён аддасьць яму за дабрачынства ягонае.
19:18
Сёмуха
Карай сына свайго, пакуль ёсьць надзея, і не абурайся крыкам ягоным.
19:19
Сёмуха
Чалавек вялікага гневу нясе пакараньне; бо, калі пашкадуеш яго, давядзецца табе яшчэ больш караць яго.
19:20
Сёмуха
Слухайся рады і прымай кару, каб зрабіцца табе пасьля мудрым.
19:21
Сёмуха
Шмат задумаў у сэрцы ў чалавека, але збудзецца толькі задуманае Госпадам.
19:22
Сёмуха
Радасьць чалавеку - дабрачыннасьць ягоная, і бедны чалавек лепшы, чым хлусьлівы.
19:23
Сёмуха
Страх Гасподні вядзе да жыцьця, і хто мае яго, заўсёды будзе задаволены, і ліха не спасьцігне яго.
19:24
Сёмуха
Гультай апускае руку сваю ў чару, і ня хоча данесьці яе да вуснаў сваіх.
19:25
Сёмуха
Калі ты пакараеш блюзьнера, дык і просты зробіцца разумным; і калі засьцеражэш разумнага, дык ён зразумее настаўленьне.
19:26
Сёмуха
Хто бацьку руйнуе і выганяе маці - сын бессаромны і ганебны.
19:27
Сёмуха
Перастань, сыне мой, слухаць угаворы ўхіліцца ад голасу розуму.
19:28
Сёмуха
Падступны сьведка зьдзекуецца з праўды, і вусны бязбожных глытаюць няпраўду.
19:29
Сёмуха
На блюзьнераў гатовыя суды, і ўдары - на цела дурных.