Žalmy 103 v různých překladech
Ang Pulong sa Dios
103:0
APD
Awit ni David.
103:1
APD
Dayegon ko gayod ang Ginoo. Dayegon ko siya sa iyang pagkabalaan sa tibuok kong kinabuhi.
103:2
APD
Dayegon ko gayod ang Ginoo, ug dili ko gayod kalimtan ang iyang kaayo.
103:3
APD
Gipasaylo niya ang tanan kong sala, ug giayo niya ang tanan kong balatian.
103:4
APD
Giluwas niya ako gikan sa kamatayon, ug gipanalanginan niya ako sa iyang gugma ug kaluoy.
103:5
APD
Gitagbaw niya ako sa maayong mga butang samtang ako nagkinabuhi, aron nga magpabilin akong batan-on ug kusgan sama sa agila.
103:6
APD
Naghukom ang Ginoo dapig sa tanang dinaog-daog; gihatagan niya sila ug hustisya.
103:7
APD
Gipadayag niya ang iyang pamaagi kang Moises ug gipakita niya sa katawhan sa Israel ang iyang gamhanang mga buhat.
103:8
APD
Adunay kahangawa ang Ginoo ug maluloy-on; mahigugmaon siya ug dili daling masuko.
103:9
APD
Dili siya magsigeg pang-akusar, ug dili molungtad ang iyang kasuko.
103:10
APD
Wala niya kita siloti sa angay nga silot sa atong mga sala.
103:11
APD
Kay maingon nga dili masukod ang gilay-on sa langit ug sa yuta, dili usab masukod ang kadako sa iyang paghigugma ngadto sa mga nagtahod kaniya.
103:12
APD
Gipahilayo niya ang atong mga sala gikan kanato, sama sa gilay-on sa sidlakan gikan sa kasadpan.
103:13
APD
Ug maingon nga ang usa ka amahan maluoy sa iyang mga anak, maluoy usab ang Ginoo sa mga nagtahod kaniya.
103:14
APD
Kay nasayod siya kon giunsa niya kita paghimo. Gihinumdoman niya nga gihimo kita gikan sa abog.
103:15
APD
Ang kinabuhi natong mga tawo sama sa sagbot. Motubo ug molambo sama sa bulak sa uma.
103:16
APD
Unya mohuyop ang hangin niining bulaka, ug mahanaw kini ug dili na makita.
103:17
APD [103:17–18]
Apan walay kataposan ang gugma sa Ginoo sa mga nagtahod kaniya, sa mga nagtuman sa iyang kasabotan, ug sa mga nahinumdom sa pagtuman sa iyang mga sugo. Ug ang iyang kaayo mopadayon hangtod sa ilang mga kaliwat.
103:18
APD
103:19
APD
Gipahimutang sa Ginoo ang iyang trono didto sa langit, ug naghari siya sa tanan.
103:20
APD
Dayega ninyo ang Ginoo, kamong gamhanan niyang mga anghel nga namati ug nagtuman sa iyang mga pulong.
103:21
APD
Dayega ninyo ang Ginoo, kamong tanan nga iyang langitnong mga binuhat nga nag-alagad kaniya ug nagtuman sa iyang kabubut-on.
103:22
APD
Dayega ninyo ang Ginoo, kamong tanan nga iyang mga binuhat sa tanang dapit nga ubos sa iyang paggahom. Dayegon ko gayod ang Ginoo!