Žalmy 26 v různých překladech
Ang Pulong sa Dios
26:0
APD
Awit ni David.
26:1
APD
Pamatud-i, Ginoo, nga wala akoy sala, kay nagkinabuhi ako nga walay ikasaway ug nagsalig ako kanimo sa walay pagduha-duha.
26:2
APD
Susiha ako, Ginoo; susiha ang akong huna-huna ug kasing-kasing.
26:3
APD
Kay kanunay kong ginahinumdoman ang imong gugma, ug nagkinabuhi ako nga matinumanon kanunay kanimo.
26:4
APD
Wala ako makig-uban sa mga tawo nga limbongan ug tigpakaaron-ingnon.
26:5
APD
Supak ako sa mga panagtigom sa daotang mga tawo. Dili gayod ako makig-uban kanila.
26:6
APD
Hugasan ko ang akong mga kamot sa pagpaila nga wala akoy sala. Ug unya, molibot ako sa imong halaran sa pagsimba kanimo, Ginoo,
26:7
APD
samtang nag-awit ako ug mga awit sa pagpasalamat, ug nagsaysay sa tanan mong katingalahang mga binuhatan.
26:8
APD
Gihigugma ko ang balay nga gipuy-an mo, Ginoo, ang dapit diin makita ang imong pagkagamhanan.
26:9
APD
Ayaw ako laglaga uban sa mga makasasala, sama sa mga mamumuno.
26:10
APD
Kanunay silang andam sa paghimo ug daotan ug mahilig sa suborno.
26:11
APD
Apan ako nagkinabuhi nga maligdong, busa luwasa ako ug kaloy-i.
26:12
APD
Karon, layo na ako sa katalagman, busa dayegon ka nako, Ginoo, diha sa panagtigom sa imong mga katawhan.