Žalmy 73 v různých překladech
Пераклад Бокуна
73:1
Бокун
Псальм Асафа. Які добры Бог для Ізраіля, для тых, якія чыстыя сэрцам!
73:2
Бокун
А ў мяне амаль не спатыкнуліся ногі мае, ледзь не пакаўзнуліся крокі мае.
73:3
Бокун
Бо я пазайздросьціў тым, што хваляць сябе, убачыўшы супакой бязбожнікаў,
73:4
Бокун
бо яны ня маюць гора аж да сьмерці і добра ўскормлена цела іхняе,
73:5
Бокун
нядолі людзкой яны ня маюць, і [кары], як у іншых людзей, няма для іх.
73:6
Бокун
Дзеля гэтага атачае шыю іхнюю пыха, ліхадзейства нібы шатамі атуляе іх.
73:7
Бокун
Ад тлустасьці павылазілі вочы іхнія, прыходзіць [ім] больш за ўяўленьні сэрца [іхняга].
73:8
Бокун
Яны зьдзекуюцца і гавораць зласьліва; звысака гавораць пра крыўду.
73:9
Бокун
Да неба ўзьнімаюцца вуснамі сваімі, а язык іхні па зямлі гуляе.
73:10
Бокун
Дык туды і народ Ягоны паварочваецца, і шчодрыя воды выліваюцца на іх.
73:11
Бокун
І яны кажуць: «Як Бог даведаецца? І ці мае веданьне [пра гэта] Найвышэйшы?»
73:12
Бокун
Вось, гэткія ёсьць бязбожнікі, і ў спакоі вечным зьбіраюць яны багацьці.
73:13
Бокун
Дык ці-ж зусім надарма я захоўваў у чыстасьці сэрца маё і абмываў у нявіннасьці рукі мае,
73:14
Бокун
і білі мяне ўвесь дзень, і каралі мяне кожную раніцу?
73:15
Бокун
Калі б я сказаў: «Буду думаць, як яны!» — я б гэтым адрокся ад пакаленьня сыноў Тваіх.
73:16
Бокун
І я разважаў, каб зразумець [усё] гэта, і нядоляй гэта [здавалася] ў вачах маіх,
73:17
Бокун
аж пакуль не ўвайшоў я ў сьвятыню Божую, і тады зразумеў канец іхні.
73:18
Бокун
Сапраўды, на коўзкім груньце Ты ставіш іх і пасылаеш на пагібель!
73:19
Бокун
Як жа імгненна яны спустошаныя, загінулі, счэзьлі ад жаху!
73:20
Бокун
Як сном пасьля абуджэньня, Ты, Госпадзе, збудзіўшыся, грэбуеш вобразам іхнім.
73:21
Бокун
Бо згоркла сэрца маё і курчыліся ныркі мае,
73:22
Бокун
я стаўся дурнем і ня ведаў нічога, і быў перад Табой, як жывёла,
73:23
Бокун
але я быў пры Табе заўсёды! Ты трымаеш мяне за правую руку маю,
73:24
Бокун
Ты вядзеш мяне паводле рады Тваёй, і потым возьмеш мяне ў славу [Тваю].
73:25
Бокун
Каго ж я маю ў небе? І на зямлі апроч Цябе мне [ніхто] не даспадобы.
73:26
Бокун
Зьнікаюць цела маё і сэрца маё, але Бог — скала сэрца майго і частка мая на вякі.
73:27
Бокун
Бо, вось, гінуць тыя, што ад Цябе адыходзяць; Ты вынішчаеш кожнага, хто чужаложыць, [выракаючыся] Цябе.
73:28
Бокун
А для мяне блізкасьць Бога ёсьць дабро; я зрабіў у Госпадзе маім, ГОСПАДЗЕ, прыстанішча маё, каб абвяшчаць усе справы Твае.