Экл Эклезіяст, раздзел Кніга Эклезіяста, альбо Прапаведніка, раздзел 8
Хто як мудрэц, і хто ведае значэньне рэчаў? Мудрасьць чалавека прасьвятляе аблічча ягонае, і суровасьць аблічча ягонага зьмяняецца.Выс 17:24
Я [раю]: [Словы] вуснаў валадара захоўвай дзеля словаў прысягі перад Богам.Выс 24:21
Не сьпяшайся зыходзіць ад аблічча ягонага, ня стой пры словах ліхіх, бо ўсё, што захоча, ён зробіць.
Дзе слова валадара, там улада, і хто скажа яму: “Што ты робіш?”Дан 4:32
Хто захоўвае прыказаньне, не дазнае ніякага ліха. А сэрца мудрага спазнае і час, і суд,Рым 13:3
бо для кожнай рэчы ёсьць час і суд, а вялікае ліха чалавеку з-за таго,Экл 3:1
што ня ведае ён, што будзе; і як гэта будзе, хто паведаміць яму?Экл 6:12
Няма чалавека, які мае ўладу над ветрам, каб утрымаць вецер, і няма ўладара над днём сьмерці, і няма звальненьня ў гэтай вайне, і не ўратуе беззаконьне таго, хто мае яго.Ёў 14:5; Пс 39:6
Усё гэта я бачыў, і прыкладаў сэрца маё да ўсіх справаў, якія робяцца пад сонцам, [бачыў] час, калі чалавек мае ўладу над чалавекам на гора яму.
Таксама бачыў я злачынцаў пахаваных, і прыходзілі [да іх], і адыходзілі ад месца сьвятога, і забываліся ў горадзе, што яны так рабілі. І гэта таксама марнасьць.Ляв 21:4; Пс 49:18
Бо не адразу выносіцца прысуд супраць ліхіх учынкаў. Дзеля гэтага сэрца сыноў чалавечых напоўнена імі, каб чыніць зло.Пс 71:5
Хоць грэшнік сто разоў чыніць зло, але доўга жыве. Але я ведаю таксама, што будзе добра тым, якія баяцца Бога, якія баяцца аблічча Ягонага.
І ня будзе добра бязбожніку, і не падоўжыць ён дзён сваіх; падобны да ценю той, хто ня мае страху перад абліччам Божым.Пс 144:4
Ёсьць такая марнасьць, якая робіцца на зямлі, што ёсьць праведнікі, з якімі здараецца тое, на што заслугоўваюць учынкі бязбожнікаў, і ёсьць бязбожнікі, з якімі здараецца тое, на што заслугоўваюць учынкі праведнікаў. І я сказаў, што гэта таксама марнасьць.1Кар 4:13; 2Кар 6:8
І пахваліў я радасьць, бо няма нічога чалавеку лепшага пад сонцам, як есьці і піць, і весяліцца, і гэта няхай будзе з ім у цяжкай працы ягонай у дні жыцьця ягонага, якія даў яму Бог пад сонцам.Экл 2:24; Экл 3:12; Дзеі 14:17; 1Кар 10:31; Флп 4:11
Калі прыклаў я сэрца маё, каб спазнаць мудрасьць і ўбачыць заняткі, якімі займаюцца на зямлі, бо дзень і ноч ня бачыць [чалавек] сну для вачэй сваіх,Экл 1:17
тады ўбачыў я ўсе справы Божыя, што чалавек ня можа зразумець справы, якія робяцца пад сонцам; і колькі б чалавек ні намагаўся шукаць гэта, нічога ня знойдзе; і хаця б мудры сказаў, што ведае, ён ня можа знайсьці.