2Кар 2 Карынфянам, раздзел Другое пасланне да Карынфян, раздзел 5
Бо ведаем, што, калі зямны наш дом, гэтая хаціна, зруйнуецца, мы маем ад Бога жытлішча на нябёсах, дом нерукатворны, вечны.Ёў 4:19; Габр 9:11
Таму якраз мы і стогнем, хочучы апрануцца ў нябеснае наша жытлішча;Рым 8:23
толькі б нам і апранутым не апынуцца голымі.Іс 61:10; Адкр 16:15
Бо мы, пакуль у гэтай хаціне стогнем пад цяжарам, бо ня хочам распрануцца, а апрануцца, каб сьмяротнае паглынута было жыцьцём.1Кар 15:54
На гэта якраз і стварыў нас Бог і даў нам задатак Духа.2Кар 1:22
Дык вось, мы заўсёды лагодзімся; і як ведаем, што, пакуль сталюючыся ў целе, мы далёка да Госпада»
бо ходзім вераю, а ня бачаньнем,Рым 8:25
дык мы лагодзімся і хочам лепей выйсьці зь цела і ўсталявацца ў Госпадзе,Флп 1:23
і таму рупліва намагаемся, ці сталюючыся, ці выходзячы, падабацца Яму;
бо ўсім нам трэба зьявіцца перад судовым тронам Хрыстовым, каб кожнаму атрымаць згодна з тым, што ён рабіў, жывучы ў целе, добрае ці благое.Ёў 34:11; Мц 16:27; Мц 25:32; Рым 14:10
І вось, ведаючы страх Гасподні, мы настаўляем на розум людзей, а Богу мы адкрытыя; спадзяюся, што адкрытыя і вашым сумленьням.
Ня зноў даручаем сябе вам, а даём вам нагоду хваліцца намі, каб мелі вы што сказаць тым, якія хваляцца абліччам, а ня сэрцам.
Калі мы выходзім зь сябе, дык дзеля Бога; а калі сьціплыя, дык дзеля вас.2Кар 11:11
Бо любоў Хрыстовая абдымае нас, а мы разважаем так: калі адзін памёр за ўсіх, дык усе памерлі.
А Хрыстос за ўсіх памёр, каб тыя, што жывуць, ужо ня дзеля сябе жылі, а дзеля памерлага за іх і ўваскрэслага.Рым 14:9; Гал 2:20
Таму ад сёньня мы нікога ня ведаем па плоці; калі ж і ведалі Хрыста па плоці, дык сёньня ўжо ня ведаем.
Дык вось, хто ў Хрысьце, той новае стварэньне; старажытнае мінула, цяпер усё новае.Іс 43:18; Рым 6:4; Адкр 21:5
А ўсё ад Бога, Які Ісусам Хрыстом прымірыў нас з Сабою і даў нам служэньне прымірэньня,Рым 5:11; Эф 2:16; Кал 1:20
таму што Бог у Хрысьце прымірыў з Сабою сьвет, ня ставячы людзям у віну злачынстваў іхніх, і даў нам слова прымірэньня.
Вось мы - пасланыцы ў імя Хрыстовае, і як бы сам Бог умаўляе праз нас, у імя Хрыстовае просім: замірэцеся з Богам!
Бо Таго, Хто ня ведаў грэху, Ён зрабіў нам ахвяраю за грэх, каб мы ў Ім зрабіліся праведнымі перад Богам.Іс 53:9; Ян 8:46; 1Пётр 2:22; 1Ян 3:5