Эф Эфесянам, раздзел Пасланне да Эфесян, раздзел 3
Вось дзеля гэтага я, Павал, стаўся вязьнем Ісуса Хрыста за вас, язычнікаў.Дзеі 21:33
Бо вы, пэўна, чулі пра служэньне мілаты Божай, дадзенай мне для вас,Дзеі 9:15; Гал 1:16
таму што мне праз адкрыцьцё абвешчана таямніца, - пра што я і вышэй коратка пісаў, -Эф 1:9
дык вы, чытаючы, можаце ўведаць маё разуменьне таямніцы Хрыстовай,
якая ня была абвешчана ранейшым пакаленьням сыноў чалавечых, як сёньня адкрыта сьвятым апосталам Ягоным і прарокам праз Духа (Сьвятога),1Пётр 1:12
каб і язычнікі былі супольнымі спадчыньнікамі, што складаюць адно цела, і саўдзельнікамі абяцаньня Ягонага ў Хрысьце Ісусе праз зьвеставаньне,Рым 15:12
слугою якога зрабіўся я пасьля дараваньня мілаты Божай, дадзенай мне дзеяньнем сілы Ягонай.Дзеі 9:15
Мне, самаму найменшаму з усіх сьвятых, дадзена мілата гэтая - зьвеставаць язычнікам недасьледнае багацьце ХрыстоваеРым 15:19; 1Кар 15:9; Гал 1:16
і адкрыць усім, што ёсьць зьдзяйсьненьне таямніцы, схаванай ад вечнасьці ў Богу, Які стварыў усё Ісусам Хрыстом,1Пётр 1:20; Рым 14:24; 1Кар 2:7; Кал 1:26
каб цяпер была вядомая праз Царкву начальству і ўладам на нябёсах бясконцая мудрасьць Божая,1Пётр 1:12
паводле спрадвечнага вызначэньня, якое Ён учыніў у Ісусе Хрысьце, Госпадзе нашым,
у Якім мы маем адвагу і надзейны доступ празь веру ў Яго.Эф 2:18
А таму прашу (вас) не маркоціцца духам ад маіх дзеля вас журботаў, бо яны - ваша слава.2Цім 2:10
Дзеля гэтага схіляю калені мае прад Айцом Госпада нашага Ісуса Хрыста,
ад Якога мае найменьне ўсякая айчыннасьць на нябёсах і на зямлі,Эф 1:10
хай дасьць вам, па багацьці славы Сваёй, моцна ўцьвердзіцца Духам Ягоным ва ўнутраным чалавеку,Эф 1:7
каб Хрыстос вераю ўсяліўся ў сэрцы вашыя,Ян 14:23
каб вы, укарэненыя і ўцьверджаныя ў любові, маглі спасьцігнуць з усімі сьвятымі, што ёсьць шырыня і даўжыня, і глыбіня і вышыня,
і ўразумець вышэйшую за ўразуменьне любоў Хрыстовую, каб вам напоўніцца ўсёю поўніцаю Божаю.Ян 1:16; Кал 2:9
А Таму, Хто сілаю, якая дзее ў нас, можа зрабіць непараўнена болей за ўсё, чаго мы просім, альбо пра што думаем,Рым 14:24
Таму слава ў Царкве ў Хрысьце ва ўсе роды, ад веку да веку. Амін.