Ён Ёна, раздзел Кніга прарока Ёны, раздзел 2
І памаліўся Ёна Госпаду Богу свайму з чэрава кіта
і сказаў: «да Госпада заклікаў я ў смутку маім, - і Ён пачуў мяне; з чэрава апраметнай я загаласіў, - і Ты пачуў голас мой.Пс 119:1
Ты ўкінуў мяне ў глыбіню, у сэрца мора, і патокі акружылі мяне, усе воды Твае і хвалі Твае праходзілі над мною.Пс 41:8
І я сказаў: адкінуты я ад вачэй Тваіх, аднак я зноў убачу сьвяты храм Твой.Іс 38:11
Абнялі мяне воды да душы маёй, бездань замкнула мяне; марскою травою абвіта была галава мая.Пс 68:2
Да асновы гор я сышоў, зямля сваімі замкамі навек загарадзіла мяне; але Ты, Госпадзе Божа мой, душу маю выведзеш зь пекла.
Калі зьнемагла ўва мне душа мая, я ўспомніў пра Госпада, і малітва мая дайшла да Цябе, да храма сьвятога Твайго.Пс 17:7
Пашаноўцы марных і фальшывых божышчаў пакінулі Мілажальнага свайго,
а я голасам хвалы прынясу Табе ахвяру; што абяцаў, выканаю. У Госпада выратаваньне!»Пс 49:14; Габр 13:15
І сказаў Гасподзь кіту, і ён выкінуў Ёну на сушу.Мц 12:40