1. Thessalonicher 1 in verschiedenen Übersetzungen
Пераклад Сёмухі
1:1
Сёмуха
Павал і Сілуан і Цімафей Царкве Фесаланіцкай у Богу Айцы і Госпадзе Ісусе Хрысьце: мілата вам і мір ад Бога Айца нашага і Госпада Ісуса Хрыста.
1:2
Сёмуха
Увесь час дзякуем Богу за ўсіх вас, спамінаючы вас у малітвах нашых,
1:3
Сёмуха
няспынна памятаючы вашу дзею веры і працу любові і цярплівасьць спадзяваньня на Госпада нашага Ісуса Хрыста прад Богам і Айцом нашым,
1:4
Сёмуха
ведаючы выбраньне ваша, любасныя браты;
1:5
Сёмуха
бо наша зьвеставаньне ў вас было ня ў слове толькі, а і ў сіле, і ў Сьвятым Духу і з многімі сьведчаньнямі, як вы самі ведаеце, якія мы былі для вас паміж вамі.
1:6
Сёмуха
І вы пачалі пераймаць нас і Госпада, прыняўшы слова ў вялікіх смутках з радасьцю Духа Сьвятога,
1:7
Сёмуха
так што вы зрабіліся ўзорам усім веруючым у Македоніі і Ахаі.
1:8
Сёмуха
Бо ад вас пранеслася слова Гасподняе ня толькі ў Македоніі і Ахаі, але і па ўсіх усюдах прайшла слава пра веру вашую ў Бога, так што нам ні пра што ня трэба распавядаць.
1:9
Сёмуха
Бо самі яны распавядаюць пра нас, які прыход мы мелі ў вас і як вы навярнуліся ад ідалаў да Бога, каб служыць Богу жывому і сапраўднаму
1:10
Сёмуха
і чакаць зь нябёсаў Сына Ягонага, Якога Ён уваскрэсіў зь мёртвых, Ісуса, Які ратуе нас ад будучага гневу.