Prediger 1 in verschiedenen Übersetzungen
Пераклад Сёмухі
1:1
Сёмуха
Слова Эклезіяста, сына Давідавага, цара ў Ерусаліме.
1:2
Сёмуха
Пустая марнасьць сказаў Эклезіяст, пустая марнасьць, - усё марнасьць!
1:3
Сёмуха
Якая карысьць чалавеку ад усёй працы ягонай, якую ён робіць пад сонцам?
1:4
Сёмуха
Пакаленьне прыходзіць, і пакаленьне праходзіць, а зямля векавечна стаіць.
1:5
Сёмуха
Сонца ўзыходзіць, і сонца заходзіць і сьпяшаецца ў месца сваё, дзе ўстае.
1:6
Сёмуха
Вее вецер на поўдзень і на поўнач вяртаецца, віруе, віхурыцца веючы, і на шлях віраваньня вяртаецца вецер.
1:7
Сёмуха
Рэкі ўсе ў мора плывуць, а мора не перапаўняецца; да месца таго, адкуль рэкі плывуць, вяртаюцца зноў, каб далей пацячы.
1:8
Сёмуха
Усё існае - поўніцца працай; ня можа ўсяго чалавек пакласьці на словы: не насыціцца бачаньнем вока; не напоўніцца слуханьнем вуха.
1:9
Сёмуха
Што было, тое і будзе; што рабілася, тое й рабіцьмецца, і нічога новага пад сонцам няма.
1:10
Сёмуха
Бывае такое, пра што людзі кажуць: «Дзівіся, вось гэта новае»; але яно ўжо было спрадвеку, да нас.
1:11
Сёмуха
Няма памяці пра былое; ды і пра тое, што будзе, не застанецца згадкі між тымі, што прыйдуць пасьля.
1:12
Сёмуха
Я, Эклезіяст, быў царом над Ізраілем у Ерусаліме.
1:13
Сёмуха
І паклаў я на сэрца помысел мой, каб шукаць і дасьледаваць мудрасьцю ўсё, што пад небам робіцца: гэты прыкры занятак даў Бог сынам чалавечым, каб кіраваліся ім.
1:14
Сёмуха
Я ўсе дзеі пабачыў, якія пад сонцам чыняцца, і вось, усё - марнасьць і пагоня за ветрам!
1:15
Сёмуха
Крывое ня выпрастаецца, і чаго няма, таго нельга зьлічыць.
1:16
Сёмуха
Гаварыў я з сэрцам маім і сказаў: вось, узьвялічыўся я і здабыў мудрасьці болей за ўсіх, што былі да мяне над Ерусалімам, і сэрца маё шмат нагледзела мудрасьці ўсякай і ведаў.
1:17
Сёмуха
І паклаў я на сэрца помысел мой, каб мудрасьць уведаць, спасьцігнуць шаленства і неразумнасьць; спазнаў, што і гэта - пагоня за ветрам.
1:18
Сёмуха
Бо пры многасьці мудрасьці множыцца й скруха; і хто памнажае спазнаньне, той памнажае і боль.