Jesaja 12 in verschiedenen Übersetzungen
Ang Pulong sa Dios
12:1
APD
Niana unyang adlawa mag-awit kamo: “Ginoo, dayegon ka nako. Nasuko nako kanako, apan karon nahupay na ang imong kasuko, ug ginalipay mo ako.
12:2
APD
Ikaw, O Dios, mao ang akong manluluwas. Mosalig ako kanimo ug dili mahadlok. Ikaw, Ginoo, mao ang naghatag kanakog kusog, ug ikaw ang akong ginaawit. Ikaw ang nagluwas kanako.”
12:3
APD
Maingon nga ang bugnawng tubig naghatag ug kalipay sa giuhaw, malipay kamo kon luwason kamo sa Ginoo.
12:4
APD
Pag-abot nianang adlawa, mag-awit kamo: “Dayega ninyo ang Ginoo! Simbaha ninyo siya! Isugilon ngadto sa mga katawhan ang iyang mga binuhatan. Isugilon ninyo nga dalaygon siya.
12:5
APD
Awiti ninyo ang Ginoo tungod kay katingalahan ang iyang gipanghimo. Ipahibalo ninyo kini sa tibuok kalibotan.
12:6
APD
Panghugyaw kamo ug pag-awit sa kalipay, kamo nga katawhan sa Jerusalem. Kay gamhanan ang Balaang Dios sa Israel nga anaa uban kaninyo.”