Lukas 22 in verschiedenen Übersetzungen
Пераклад Сёмухі
22:1
Сёмуха
Набліжалася сьвята праснакоў, якое называлася Пасхаю;
22:2
Сёмуха
і намышлялі першасьвятары і кніжнікі, як бы загубіць Яго, бо баяліся народу.
22:3
Сёмуха
І ўвайшоў сатана ў Юду, празванага Іскарыётам, аднаго зь ліку дванаццацёх,
22:4
Сёмуха
і ён пайшоў і гутарыў зь першасьятарамі і начальнікамі, як Яго выдаць ім.
22:5
Сёмуха
Яны ўзрадаваліся і згадзіліся даць яму грошай;
22:6
Сёмуха
і ён абяцаўся, і шукаў зручнага часу, каб выдаць Яго ім ня прылюдна.
22:7
Сёмуха
І настаў дзень праснакоў, у які трэба было закалоць пасхальнае ягня;
22:8
Сёмуха
і паслаў Ісус Пятра і Яна, сказаўшы: ідзеце, прыгатуйце нам есьці пасху.
22:9
Сёмуха
А яны сказалі Яму: дзе скажаш нам прыгатаваць?
22:10
Сёмуха
Ён сказаў ім: вось, пры ўваходзе вашым у горад сустрэнецца з вамі чалавек, які нясьціме збанок вады; ідзеце сьледам за ім у дом, у які ўвойдзе ён,
22:11
Сёмуха
і скажэце гаспадару дома: Настаўнік кажа табе: дзе пакой, у якім бы Мне есьці пасху з вучнямі Маімі?
22:12
Сёмуха
І ён пакажа вам сьвятліцу вялікую засланую; там прыгатуйце.
22:13
Сёмуха
Яны пайшлі і знайшлі, як сказаў ім, і прыгатавалі пасху.
22:14
Сёмуха
І калі настала гадзіна, Ён узьлёг, і дванаццаць апосталаў зь Ім,
22:15
Сёмуха
і сказаў ім: вельмі хацеў Я есьці з вамі гэтую пасху раней Маіх пакутаў,
22:16
Сёмуха
бо кажу вам, што ўжо ня буду есьці яе, пакуль яна ня ўчыніцца ў Царстве Божым.
22:17
Сёмуха
І ўзяўшы чару і падзякаваўшы, сказаў: прымеце яе і падзялеце паміж сабою;
22:18
Сёмуха
бо кажу вам, што ня буду піць ад плоду вінаграднага, пакуль ня прыйдзе Царства Божае.
22:19
Сёмуха
І ўзяўшы хлеб і падзякаваўшы, пераламаў і падаў ім, кажучы: гэта ёсьць Цела Маё, якое за вас аддаецца; гэта выконвайце на ўспамін пра Мяне.
22:20
Сёмуха
Таксама і чару пасьля вячэры, кажучы: гэтая чара ёсьць новы запавет у Маёй Крыві, якая за вас праліваецца;
22:21
Сёмуха
і вось, рука прадажніка Майго са Мною за сталом;
22:22
Сёмуха
у астатнім, Сын Чалавечы ідзе, як прадвызначана; але гора таму чалавеку, якім Ён выдаецца.
22:23
Сёмуха
І яны пачалі пытацца адзін у аднаго, хто б зь іх быў той, які гэта зробіць.
22:24
Сёмуха
А была і спрэчка паміж імі, хто зь іх павінен уважацца за большага.
22:25
Сёмуха
Ён жа сказаў ім: цары валадараць над народамі і ўлады іхнія дабрадзеямі называюцца;
22:26
Сёмуха
а вы ня так: але хто з вас большы, будзь як меншы, і начальнік будзь, як слуга.
22:27
Сёмуха
Бо хто большы: той, хто ўзьлягае, ці хто слуга? Ці ня той, хто ўзьлягае? А Я сярод вас, як слуга.
22:28
Сёмуха
Але вы трывалі са Мною ў гаротах Маіх,
22:29
Сёмуха
і Я запавядаю вам, як запавядаў Мне Айцец Мой, Царства,
22:30
Сёмуха
каб елі і пілі на бяседзе Маёй у Царстве Маім, і каб селі на пасадах судзіць дванаццаць каленаў Ізраілевых.
22:31
Сёмуха
І сказаў Гасподзь: Сымоне! Сымоне! вось, сатана прасіў, каб сеяць вас як пшаніцу;
22:32
Сёмуха
але Я маліўся за цябе, каб не зьмізарнела вера твая; і ты некалісь, навярнуўшыся, умацуй братоў тваіх.
22:33
Сёмуха
Ён адказваў: Госпадзе! з Табою я гатовы і ў цямніцу і на сьмерць ісьці.
22:34
Сёмуха
Але Ён сказаў: кажу табе, Пётр, не засьпявае певень сёньня, як ты тройчы зрачэшся, што ня ведаеш Мяне.
22:35
Сёмуха
І сказаў ім: калі я пасылаў вас безь мяшка і бяз торбы і без абутку, ці мелі вы ў чым нястачу? Яны адказвалі: ні ў чым.
22:36
Сёмуха
Тады Ён сказаў ім: але цяпер, хто мае мяшок, той вазьмі яго, таксама і торбу; а ў каго няма, прадай вопратку сваю і купі меч;
22:37
Сёмуха
бо маўляю вам, што мусіць збыцца на Мне і гэтае напісанае: «і да зладзеяў залічаны». Бо тое, што пра Мяне, канчаецца.
22:38
Сёмуха
Яны сказалі: Госпадзе! вось, тут два мечы. Ён сказаў ім: досыць.
22:39
Сёмуха
І выйшаўшы пайшоў як звычайна на гару Аліўную; за Ім сьледам пайшлі і вучні Ягоныя.
22:40
Сёмуха
А прыйшоўшы на месца, сказаў ім: малецеся, каб ня ўпасьці ў спакусу.
22:41
Сёмуха
І Сам адышоў ад іх - як кінуць каменем, і, схіліўшы калені, маліўся,
22:42
Сёмуха
кажучы: Войча! о, калі б Ты дабраволіў пранесьці чару гэтую міма Мяне! зрэшты, не Мая воля, а Твая хай будзе.
22:43
Сёмуха
І зьявіўся Яму анёл зь нябёсаў і мацаваў Яго.
22:44
Сёмуха
І ў змаганьні ўнутраным руплівей маліўся; і быў пот Ягоны, як кроплі крыві, што падалі на зямлю.
22:45
Сёмуха
Устаўшы з малітвы, Ён прыйшоў да вучняў, і застаў іх у сьне ад смутку,
22:46
Сёмуха
і сказаў ім: што вы сьпіце? устаньце і малецеся, каб ня ўпасьці ў спакусу.
22:47
Сёмуха
Калі Ён яшчэ казаў гэта, паявіліся людзі, а наперадзе іх ішоў адзін з дванаццацёх, называны Юда, і ён падышоў да Ісуса, каб пацалаваць Яго. Бо ён такі даў ім знак: каго я пацалую, Той і ёсьць.
22:48
Сёмуха
А Ісус сказаў яму: Юда ці цалаваньнем выдаеш Сына Чалавечага?
22:49
Сёмуха
Тыя, што былі зь Ім, бачачы, да чаго ўсё ідзе, сказалі Яму: Госпадзе! ці ня ўдарыць нам мечам?
22:50
Сёмуха
І адзін зь іх ударыў раба першасьвятаровага і адсек яму правае вуха.
22:51
Сёмуха
Тады Ісус сказаў: пакіньце, даволі. І дакрануўшыся да вуха ягонага, загоіў яго.
22:52
Сёмуха
А першасьвятарам і начальнікам храма і старэйшынам, якія сабраліся супроць Яго, сказаў Ісус: быццам на разбойніка выйшлі вы зь мечамі і каламі, каб узяць Мяне!
22:53
Сёмуха
Кожны дзень бываў Я з вамі ў храме, і вы не падымалі на Мяне рук, а цяпер - ваш час і ўлада цемры.
22:54
Сёмуха
Узяўшы Яго, павялі і прывялі ў дом першасьвятара. А Пётр ішоў сьледам зводдаль.
22:55
Сёмуха
Калі яны расклалі агонь сярод двара і селі разам, сеў і Пётр паміж імі.
22:56
Сёмуха
Адна служанка, убачыўшы яго каля агню і ўгледзеўшыся ў яго, сказала: гэты быў зь Ім.
22:57
Сёмуха
Але ён адрокся ад Яго, сказаўшы жанчыне: я ня ведаю Яго.
22:58
Сёмуха
Неўзабаве потым другі, убачыўшы яго, сказаў: і ты зь іх. Але Пётр сказаў гэтаму чалавеку: не.
22:59
Сёмуха
Прайшло з гадзіну часу, яшчэ нехта настойліва казаў: сапраўды, і гэты быў зь Ім, бо ён Галілеянін.
22:60
Сёмуха
Але Пётр сказаў таму чалавеку: ня ведаю, што ты кажаш. І адразу, калі яшчэ гаварыў ён, засьпяваў певень.
22:61
Сёмуха
Тады Гасподзь, абярнуўшыся, паглядзеў на Пятра; і Пётр згадаў слова Госпада, як Ён сказаў яму: перш чым засьпявае певень, адрачэшся ад Мяне тройчы.
22:62
Сёмуха
І выйшаўшы вонкі, горка заплакаў.
22:63
Сёмуха
Людзі, якія трымалі Ісуса, зьдзекі чынілі зь Яго і білі Яго;
22:64
Сёмуха
і накрыўшы Яго, білі Яго па твары і пыталіся ў Яго: скажы, хто выцяў Цябе?
22:65
Сёмуха
І шмат іншай кляцьбы вымаўлялі супраць Яго.
22:66
Сёмуха
І як настаў дзень, сабраліся старэйшыны народу, першасьвятары і кніжнікі, і ўвялі Яго ў свой сынедрыён,
22:67
Сёмуха
і сказалі: ці Ты Хрыстос? скажы нам. Ён сказаў ім: калі скажу вам, вы не паверыце;
22:68
Сёмуха
калі ж і спытаюся ў вас, ня будзеце адказваць Мне і не адпусьціце Мяне;
22:69
Сёмуха
ад сёньня Сын Чалавечы сядзе праваруч сілы Божай.
22:70
Сёмуха
І сказалі ўсе: дык Ты Сын Божы? Ён адказваў ім: вы кажаце, што Я.
22:71
Сёмуха
А яны сказалі: якое яшчэ трэба нам сьведчаньне? бо мы самі чулі з вуснаў Ягоных!