Габр Габрэям, раздзел Пасланне да Габрэяў, раздзел 11
А вера ёсьць зьдзяйсьненьне чаканага і ўпэўненасьць у нябачным.Рым 8:24
У ёй засьведчаны продкі.
Вераю спазнаём, што вякі створаны словам Божым, так што зь нябачнага пайшло бачнае.Быц 1:1; Пс 32:6
Вераю Авель прынёс Богу ахвяру лепшую, ніж Каін; ён атрымаў сьведчаньне, што ён праведны, як засьведчыў Бог пра дары ягоныя; ёю ён і пасьля сьмерці гаворыць яшчэ.Быц 4:4; Мц 23:35
Вераю Энох пераселены быў так, што ня бачыў сьмерці; і ня стала яго, таму што Бог перасяліў яго. Бо раней перасяленьня свайго атрымаў ён сьведчаньне, што дагадзіў Богу.Быц 5:24
А бязь веры дагадзіць Богу немагчыма; бо трэба, каб той, хто прыходзіць да Бога, верыў, што Ён ёсьць, і шукальнікам Яго дасьць.
Вераю Ной, атрымаўшы абвешчаньне пра тое, што яшчэ ня было бачна, богабаязна збудаваў каўчэг на выратаваньне дому свайго; ёю асудзіў ён (увесь) сьвет і зрабіўся спадкаемцам праведнасьці па веры.Быц 6:22; Езк 14:14
Вераю Абрагам паслухаўся наказу ісьці ў краіну, якую меўся атрымаць у спадчыну, і пайшоў, ня ведаючы, куды ідзе.Быц 12:4
Вераю жыў ён на зямлі абяцанай, як на чужой, і жыў у намётах зь Ісаакам і Якавам, супольнымі спадкаемцамі таго самага абяцаньня;
бо ён чакаў горада, які мае аснову, дойлід і будаўнік якога Бог.Габр 12:22
Вераю і сама Сарра (будучы бясплодная) атрымала сілу на прыняцьце семені і не па часе ўзросту нарадзіла; бо ведала, што верны Той, Хто абяцаў.Быц 17:19; Быц 21:2; Рым 4:19
І таму ад таго, і прытым амярцьвелага, паўстала так многа, як многа зорак на небе і як безьліч пяску на беразе марскім.Быц 15:5; Быц 22:17
Усе гэтыя памерлі ў веры, не атрымаўшы абяцаньняў, а толькі здалёк глядзелі, і радаваліся, і казалі пра сябе, што яны вандроўнікі і прыхадні на зямлі;Быц 23:4; Быц 47:9
бо тыя, якія так кажуць, паказваюць, што яны шукаюць бацькаўшчыны.
І калі б яны мелі наўме тую бацькаўшчыну, зь якое выйшлі, дык мелі б час вярнуцца;
але яны імкнуліся да лепшага, гэта значыцца, да нябеснага; таму і Бог не саромеецца іх, называючы Сябе іхнім Богам: бо Ён падрыхтаваў ім горад.Вых 3:15; Мц 22:32
Вераю Абрагам, будучы спакушаны, прынёс у ахвяру Ісаака і, маючы абяцаньне, прынёс адзінароднага,Быц 22:9
пра якога было сказана: «у Ісааку табе семя»;Быц 21:12; Рым 9:7
бо ён думаў, што Бог моцны і зь мёртвых уваскрэсіць, таму і атрымае яго са сьмерці.
Вераю ў будучыню Ісаак дабраславіў Якава і Ісава.Быц 27:27
Вераю Якаў, паміраючы, дабраславіў кожнага сына Язэпавага і пакланіўся, абапершыся на жазло сваё.Быц 47:31; Быц 48:14
Вераю Язэп пры сконе нагадаў пра выхад сыноў Ізраілевых, наказаў пра косьці свае.Быц 50:24
Вераю Майсей пасьля нараджэньня тры месяцы хаваны быў бацькамі сваімі; бо бачылі яны, што дзіця цудоўнае, і не спалохаліся царскага загаду.Вых 2:2; Дзеі 7:20
Вераю Майсей, у сталым веку, адмовіўся называцца сынам дачкі фараонавай,Вых 2:11
і лепей захацеў пакутаваць з народам Божым, чым мець часовую, грахоўную асалоду,
і зьневажаньне Хрыстовае палічыў большым сабе багацьцем, чым Егіпецкія скарбы; бо ён глядзеў на аддзяку.
Вераю пакінуў ён Егіпет, не пабаяўшыся гневу царскага; бо ён, як бы бачачы Нябеснага, быў цьвёрды.Вых 10:29; Вых 13:17
Вераю справіў ён пасху і праліцьцё крыві, каб вынішчальнік першынцаў не крануў іх.Вых 12:3; Вых 12:7
Вераю перайшлі яны Чэрмнае мора, як па сушы, - на што рызыкнуўшы, Егіпцяне патанулі.Вых 14:21
Вераю ўпалі сьцены Ерыхонскія пасьля сямідзённай аблогі.Нав 6:19
Вераю Рааў-распусьніца, мірна прыняўшы выведнікаў (і правёўшы іх іншай дарогаю), не загінула зь нявернымі.Нав 2:1; Нав 6:24
І што яшчэ скажу? Ня хопіць мне часу, каб распавядаць пра Гедэона, пра Варака, пра Самсона і Яфая, пра Давіда, Самуіла і (іншых) прарокаў,Суд 4:6; Суд 7:15; Суд 11:11; Суд 13:24; 1Цар 7:10; 1Цар 17:45
якія вераю перамагалі царствы, тварылі праўду, атрымлівалі абяцаньні, замыкалі пашчы львам,Дан 6:22
тушылі сілу вагню, пазьбягалі вострага меча, мацаваліся ад немачы, былі моцныя на вайне, праганялі кагорты чужынцаў;1Цар 14:6; 3Цар 19:3; Іс 38:9
жонкі атрымлівалі нябожчыкаў сваіх уваскрэслымі; а іншыя замучаны былі, ня прыняўшы вызваленьня, каб атрымаць лепшае ўваскрэсеньне;3Цар 17:22; 4Цар 4:36
іншыя перанесьлі зьдзекі і пабоі, а таксама кайданы і цямніцу.Быц 39:20; Суд 16:25; Ер 20:2
Былі пабіваныя камянямі, пілаваныя, катаваныя, паміралі ад меча, блукалі ў авечых і казіных скурах, цярпелі нястачы, уціскі, азлабленьне;3Цар 21:13; 2Пар 24:21; Ер 26:23
тыя, каго ўвесь сьвет ня быў варты, блукалі па пустынях і горах, па пячорах і цясьнінах зямных.1Цар 22:1; 3Цар 17:3
І ўсе гэтыя, засьведчаныя ў веры, не атрымалі абяцанага,Лк 10:24
таму што Бог прадугледзеў нам нешта лепшае, каб яны не бяз нас дасягнулі дасканаласьці.