Προς Εφεσίους 1 σε διαφορετικές μεταφράσεις
Пераклад Сёмухі
1:1
Сёмуха
Павал, воляю Божаю апостал Ісуса Хрыста, сьвятым, што ў Эфэсе, і верным у Хрысьце Ісусе:
1:2
Сёмуха
мілата вам і мір ад Бога, Айца нашага і Госпада Ісуса Хрыста.
1:3
Сёмуха
Дабраславёны Бог і Айцец Госпада нашага Ісуса Хрыста, што дабраславіў нас у Хрысьце ўсякім духоўным дабраславеньнем у нябёсах,
1:4
Сёмуха
бо Ён выбраў нас у Ім перад стварэньнем сьвету, каб мы былі сьвятыя і беспахібныя перад Ім у любові,
1:5
Сёмуха
наперад пастанавіўшы ўсынавіць Сабе нас празь Ісуса Хрыста паводле ўпадабаньня волі Сваёй,
1:6
Сёмуха
на хвалу славы мілаты Сваёй, якою Ён умілаваў нас у Любасным,
1:7
Сёмуха
у Якім мы маем адкупленьне Крывёю Ягонай, дараваньне грахоў, паводле багацьця мілаты Ягонай,
1:8
Сёмуха
якую Ён у вялікай шчодрасьці даў нам ва ўсякай мудрасьці і разуменьні,
1:9
Сёмуха
адкрыўшы нам таямніцу Сваёй волі паводле Свайго ўпадабаньня, якое Ён загадзя паклаў у Ім,
1:10
Сёмуха
на зьдзяйсьненьне паўнаты часу, каб усё нябеснае і зямное паяднаць у Хрысьце;
1:11
Сёмуха
у Ім мы і зрабіліся спадкаемцамі, і былі наперад назначаны на тое згодна з воляй Таго, Хто ўсё чыніць паводле хаценьня волі Сваёй,
1:12
Сёмуха
каб заслужыцца на пахвалу славы Ягонай нам, якія раней спадзяваліся на Хрыста;
1:13
Сёмуха
у Ім і вы, пачуўшы слова праўды, абвяшчэньне вашага выратаваньня, і ўвераваўшы ў Яго, пазначаны пячаткаю абяцанага Духа Сьвятога,
1:14
Сёмуха
Які ёсьць зарука спадчыны нашай, на адкупленьне долі Ягонай, на хвалу славы Ягонай!
1:15
Сёмуха
Таму і я, дачуўшыся пра вашую веру ў Хрыста Ісуса і пра любоў да ўсіх сьвятых,
1:16
Сёмуха
не перастаю дзякаваць за вас Богу, спамінаючы вас у малітвах маіх,
1:17
Сёмуха
каб Бог Госпада нашага Ісуса Хрыста, Айцец славы, даў вам Духа мудрасьці і адкрыцьця на спазнаньне Яго,
1:18
Сёмуха
і прасьветліў вочы сэрца вашага, каб вы ўведалі, у чым надзея закліканьня Ягонага, і якое багацьце слаўнае спадчыны Ягонай для сьвятых,
1:19
Сёмуха
і якая бязьмерная веліч магутнасьці Ягонае ў нас, што паверылі празь дзеяньне ўладарнае сілы Ягонай,
1:20
Сёмуха
якою Ён узьдзейнічаў у Хрысьце, уваскрэсіўшы Яго зь мёртвых і пасадзіўшы праваруч Сябе на нябёсах,
1:21
Сёмуха
найвышэй за любое начальства і ўладу, і сілу і валадараньне, і ўсякае імя, называнае ня толькі ў гэтым веку, але і ў будучым,
1:22
Сёмуха
і ўсё ўпакорыў пад ногі Яму, і паставіў яго вышэй за ўсё, галавою Царквы,
1:23
Сёмуха
якая ёсьць Цела Ягонае, поўнасьць Таго, Хто напаўняе ўсё ва ўсім.