Παροιμίες 18 σε διαφορετικές μεταφράσεις
Ang Pulong sa Dios
18:1
APD
Ang tawo nga gustong maglain-lain kaugalingon ray gihuna-huna, ug supakon niya ang ensakto nga huna-huna sa uban.
18:2
APD
Ang tawong buang-buang wala gayoy tinguha nga makakat-on; ang gusto lang niya nga masulti ang iyang gusto.
18:3
APD
Ang paghimog daotan ug makauulaw nga butang maghatag ug kaulawan.
18:4
APD
Ang pulong sa tawong maalamon makahatag ug kaalam ngadto sa uban; sama kini sa nagdagayday nga tubig gikan sa lawom nga tuboran.
18:5
APD
Dili maayo ang pagdapig sa tawong sad-an ug ang dili paghatag ug hustisya ngadto sa tawong inosente sa sala.
18:6
APD
Ang mga pulong sa tawong buang-buang makapasugod ug away ug mahimong hinungdan nga madapatan siya.
18:7
APD
Ang mga pulong sa tawong buang-buang magpasakit ra usab kaniya.
18:8
APD
Ang tabi-tabi daw sama sa pagkaon nga lami usapon ug tunlon.
18:9
APD
Ang tawong tapolan sama kamaot sa tawong tigpangdaot.
18:10
APD
Ang Ginoo sama sa lig-ong tore; nagdangop kaniya ang mga matarong aron walay daotang mahitabo kanila.
18:11
APD
Naghuna-huna ang mga adunahan nga ang ilang bahandi makapanalipod kanila sama sa lig-on ug habog nga mga paril nga naglibot sa siyudad.
18:12
APD
Ang pagpanghambog makapalaglag sa tawo, apan ang pagpaubos makahatag ug kadungganan.
18:13
APD
Balingag ug pakaulaw lang ang tawong wala mamati unya magtubag-tubag.
18:14
APD
Ang determinasyon sa tawo nga mabuhi makapalig-on kaniya kon magsakit siya, apan kon mawala kini wala nay makatabang pa kaniya.
18:15
APD
Ang tawong maalamon ug adunay panabot naninguha pa nga madugangan ang iyang kaalam.
18:16
APD
Sayon ra duolon ang tawong dungganon kon aduna kay dala nga regalo alang kaniya.
18:17
APD
Ang unang mopamatuod sa korte murag mao nay husto, hangtod dili pa niya ikaatubang ang iyang kontra.
18:18
APD
Ang hulbot-hulbot makapaundang sa panaglalis, ug makahusay sa panagbangi sa duha ka gamhanang tawo.
18:19
APD
Lisod magpasig-uli sa usa ka igsoon nga nahiubos kanimo. Mas lisod pa kining buhaton kaysa pagsulong sa usa ka pinarilan nga lungsod. Maingon nga malisod gub-on ang mga trangka sa pultahan sa palasyo, malisod usab husayon ang panag-away sa duha ka tawo.
18:20
APD
Anihon mo ang bunga sa imong gipanulti.
18:21
APD
Ang imong ipanulti makaluwas sa kinabuhi o makamatay. Busa kon istoryador ka, pagmatngon kay anihon mo ang bunga sa imong gipamulong.
18:22
APD
Kon nakapangasawa ka, nakaangkon kag kaayohan, ug nagpadayag kana nga maayo ang Ginoo kanimo.
18:23
APD
Ang mga kabos mohangyo, apan ang mga adunahan sakit ug tinubagan.
18:24
APD
Adunay panaghigalaay nga dili molungtad, apan aduna usab panaghigalaay nga mas suod pa kaysa managsoon.