Php Mga Taga-Filipos, kapitulo Ang Sulat ni Pablo sa Mga Taga-Filipos, kapitulo 2
Ang Pagpaubos ni Cristo
Dili ba tungod kay anaa na kamo kang Cristo lig-on kamo? Dili ba malipayon man kamo tungod kay nasayran ninyo nga gihigugma kamo ni Cristo? Ug dili ba adunay man kamoy pakighiusa sa Espiritu, ug maaghop kamo ug maluloy-on sa usag usa? Col 3:12Busa nanghangyo ako kaninyo: aron mahingpit gayod ang akong kalipay paghigugmaay kamo ug paghiusa. Hinaut nga magkahiusa ang inyong mga huna-huna ug katuyoan. Rom 15:5; Php 3:16Ayaw kamo pagbuhat ug bisan unsa tungod lang sa kahakog o sa pagkamapahitas-on; kondili pagpaubos kamo ug huna-hunaa ninyo nga mas maayo pa ang uban kay kaninyo. Luk 14:11; Rom 12:10Dili lang ang inyong kaayohan ang inyong huna-hunaon kondili ang kaayohan usab sa uban.1Co 10:24
Batoni ninyo kini nga panghuna-huna nga iya usab ni Cristo Jesus:Mat 11:29
Bisan ang kinaiya sa Dios anaa kaniya,
wala niya huna-hunaa ang iyang pagkatupong sa Dios.2Co 4:4; Col 1:15
Kondili gipakaubos niya ang iyang kaugalingon
pinaagi sa pagsul-ob sa kinaiya sa usa ka ulipon.
Nagpakatawo siya sama sa mga tawo.Psa 22:6; Isa 49:6; Mat 20:28
Sa dihang nahimo siyang usa ka tawo,
gipaubos niya ang iyang kaugalingon
pinaagi sa pagtuman sa Dios hangtod sa kamatayon,
bisan pa ang kamatayon didto sa krus.Mat 26:39; Heb 2:17
Tungod niini gipasidunggan siya sa Dios ug gihatagan ug gahom
nga labaw sa tanang mga gahom.2:9 gahom…gahom: sa literal, ngalan nga labaw sa tanang mga ngalan.Mat 28:18; Heb 1:4
Aron nga ang tanan nga anaa sa langit ug sa yuta,
bisan ang anaa sa ilalom sa yuta,
mangluhod ug mosimba kaniya.Isa 45:23; Rom 14:11; Rev 5:14
Ug ang tanan moila nga si Jesu-Cristo mao ang Ginoo,
ug pinaagi niini madayeg ang Dios nga Amahan.Jhn 13:13; 1Co 8:6
Magdan-ag Kita sa Kalibotan Sama sa mga Suga
Mga hinigugma ko, kung giunsa ninyo ako pagtuman kanunay niadtong uban pa ako kaninyo, mosamot unta ang inyong pagkamatinumanon karon nga wala na ako diha uban kaninyo. Paningkamoti ninyo nga ikinabuhi ang inyong kaluwasan2:12 ikinabuhi ang inyong kaluwasan: mahimo nga ang buot ipasabot, ingon nga usa ka iglesia alang sa inyong espirituhanong paglig-on. nga adunay pagtahod ug kahadlok sa Dios. Kay ang Dios mao ang naghatag kanato ug tinguha ug katakos sa pagbuhat sa iyang kabubut-on.2Co 3:5; Heb 13:21
Buhata ninyo ang mga buluhaton nga walay pagbagulbol o paglalisay, 1Pe 4:9aron mahimo kamong hinlo ug walay ikasaway nga mga anak sa Dios taliwala sa daotan ug makasasala nga henerasyon.2:15 Deut. 32:5 Angay nga kamo mahisama sa mga suga nga nagdan-ag kanila Pro 4:18; Mat 5:14sa inyong pagsugilon sa pulong sa Dios nga naghatag sa kinabuhi. Ug kon sama kamo niini, aduna akoy ikapasigarbo sa pagbalik ni Cristo tungod kay adunay kapuslanan ang akong paghago diha kaninyo. Php 4:1Ang inyong pagtuo sama sa halad alang sa Dios. Sa pagkatinuod kon kinahanglan nga iula ko ang akong dugo alang sa inyong pagtuo, ikalipay ko. Ug dili lang ako ang malipay kondili kamo usab. 2Ti 4:6Busa paglipay kamo uban kanako tungod niini.
Si Timoteo ug si Epafrodito
Nagsalig ako kang Ginoong Jesus nga sa dili madugay mapaanha ko diha kaninyo si Timoteo, aron malipay usab ako kon masuginlan niya ako bahin sa inyong kahimtang. Act 16:1Siya lang ang akong nasayran nga gahandom alang sa inyong kaayohan sama kanako. Kay ang uban, ang ila lang kaugalingon nga kaayohan ang ilang gihuna-huna ug dili ang kabubut-on ni Jesu-Cristo. 1Co 10:24Apan nasayran ninyo ang maayong pamatasan ni Timoteo. Gipakasama ko siya nga akong anak sa iyang pagtabang kanako sa pagsangyaw sa Maayong Balita. Act 16:2Naglaom ako nga mapaanha ko dayon siya diha kaninyo kon masayran ko na ang resulta sa akong kaso. Ug nagsalig gayod ako sa Ginoo nga sa dili madugay makaanha usab ako diha.
Nahuna-huna ko nga kinahanglan pabalikon ko diha sa inyo ang atong igsoon nga si Epafrodito nga inyong gisugo aron sa pagtabang kanako. Sama siya kanako nga alagad ug kauban nga sundalo sa Dios. Tungod kay gimingaw na siya kaninyo, ug dili siya mahimutang tungod kay nakabalita man kamo nga nagsakit siya. Tinuod nga nagsakit siya ug hapit gani mamatay. Apan gikaloy-an siya sa Dios, ug dili lang siya kondili ako usab, kay nalikay ako sa dako nga kaguol. Busa gusto ko na gayod nga pabalikon siya diha, aron nga kon makita ninyo siya pag-usab malipay kamo, ug dili na ako mabalaka. Ug dawata ninyo siya sa tumang kalipay isip igsoon diha sa Ginoo. Ang mga tawo nga sama kaniya angay pasidunggan. 1Th 5:12Kay hapit siya mamatay tungod sa iyang pag-alagad kang Cristo. Nahimutang ang iyang kinabuhi sa kakuyaw aron lamang matabangan niya ako isip inyong representante.