Psa Mga Salmo, salmo Ang Libro sa Mga Salmo, salmo 91
Si bisan kinsa nga mangayo
sa pagpanalipod sa Labing Halangdong Dios
nga Makagagahom, panalipdan niya.Psa 17:8; Psa 36:7; Hos 14:7
Makaingon siya91:2 siya: mao kini sa Septuagint ug sa Syriac; apan sa Hebreo, ako. sa Ginoo,
“Ikaw ang akong tigpanalipod ug lig-ong tago-anan.
Ikaw ang akong Dios nga ginasaligan.”Psa 142:6
Luwason ka gayod niya gikan sa mga lit-ag
ug sa makapatay nga mga balatian.
Panalipdan ka niya sama sa usa ka langgam
nga nagpanalipod sa iyang mga piso
ilalom sa iyang mga pako.
Sa iyang pagkamatinumanon, panalipdan ka niya ug labanan.Mat 23:37
Dili ka angayng mahadlok sa mga makalilisang nga panghitabo,
sa mga motakboy nga balatian,
ug sa mga katalagman nga moabot, sa gabii man o sa adlaw.2Sa 22:31; Psa 84:11
Bisan linibo pa ka mga tawo
ang mangamatay sa imong palibot, ikaw dili maunsa.Job 11:19
Makita mo na lang kon unsaon pagsilot ang daotang mga tawo.Psa 92:11; Psa 112:8
Tungod kay gihimo mo mang dalangpanan ang Ginoo,
ang Labing Halangdong Dios nga akong tigpanalipod,
walay kalamidad o katalagman nga moabot kanimo o sa imong panimalay.
Kay sugoon sa Dios ang iyang mga anghel
sa pagbantay kanimo bisan asa ka moadto.Mat 4:6; Luk 4:10
Sakwaton ka nila aron dili masamad ang imong tiil sa mga bato.91:12 Sakwaton…bato: ang buot ipasabot, Panalipdan ka nila aron dili ka maunsa.Job 5:23
Tumban mo ang mga liyon ug ang malala nga mga bitin.Luk 10:19
Miingon ang Dios, “Luwason ko ug panalipdan ang naghigugma ug nag-ila kanako.Psa 145:19; Dan 6:23
Kon motawag siya kanako, tubagon ko siya;
kon anaa siya sa kalisod, ubanan ko siya;
luwason ko siya ug pasidunggan.Job 22:27; Job 33:24; Zec 13:9
Hatagan ko siyag taas nga kinabuhi,
ug ipakita ko kaniya kon unsaon ko siya pagluwas.”Isa 43:2