Кал Каласянам, раздзел Пасланне да Каласян, раздзел 3
І вось, калі вы ўваскрэсьлі з Хрыстом, дык шукайце вышыняў, дзе Хрыстос сядзіць праваруч Бога;Мк 16:19; Рым 8:34
пра вышыннае думайце, а не пра зямное.Флп 3:20
Бо вы памерлі, і жыцьцё ваша схавана з Хрыстом у Богу;Рым 8:24; Гал 2:20
калі зьявіцца Хрыстос, жыцьцё вашае, тады і вы зьявіцеся зь Ім у славе.1Ян 3:2; Флп 3:21
Дык жа ўмярцьвеце зямныя чэлесы вашыя: распусту, нечысьць, юр, ліхую хцівасьць і любазьдзірства, якое ёсьць ідаласлужэньне,Эф 5:3
за якія гнеў Божы ідзе на сыноў супраціву,1Кар 6:9
у якіх і вы колісь блукалі, калі жылі сярод іх.
А зараз вы адкладзеце ўсё: гнеў, лютасьць, злосьць, ліхаслоўе, кляцьбу з вуснаў вашых;Рым 6:4; Эф 4:22; Габр 12:1
ня хлусеце адно аднаму, бо вы распранулі зь сябе старога чалавека зь дзеямі ягоныміЛяв 19:11; Эф 4:25
і, апрануўшыся ў новага, які абнаўляецца ў пазнаньні паводле вобраза Стваральніка ягонага,Быц 1:27; Быц 5:1; Быц 9:6; Эф 4:24
дзе няма ні Эліна, ні Юдэя, ні абразаньня, ні неабразаньня, варвара, Скіфа, раба, вольніка, а ўсё і ўва ўсім - Хрыстос.Гал 6:15
Дык апранецеся, як выбранцы Божыя, сьвятыя і ўлюбёнцы, у міласэрнасьць, даброць, мудрую пакору, лагоднасьць, доўгую цярплівасьць,Эф 4:32
паблажаючы адно аднаму і даруючы ўзаемна, калі хто на каго мае крыўду: як Хрыстос дараваў вам, так і вы.Мц 6:14; Рым 13:8; Рым 15:1
А найболей апранецеся ў любоў, якая ёсьць сукупнасьць дасканаласьці;
і няхай валадарыць у сэрцах вашых мір Божы, да якога вы і пакліканы ў адным целе; і будзьце прыязныя.Эф 4:3; Флп 4:7
Слова Хрыстовае хай усяляецца ў вас шчодра, з усякаю мудрасьцю; вучэце і настаўляйце на розум адзін аднаго псальмамі, славаслоўем і духоўнымі песьнямі, у мілаце апяваючы ў сэрцах вашых Госпада.Эф 5:19
І ўсё, што вы робіце словам ці ўчынкам, усё рабеце ў імя Госпада Ісуса Хрыста, дзякуючы празь Яго Богу і Айцу.Габр 13:15
Жонкі, упакорвайцеся мужам сваім, як прыстойна гэта ў Госпадзе.Эф 5:22
Мужы, кахайце сваіх жонак і ня будзьце зь імі суровыя.1Пётр 3:7
Дзеці, слухайцеся бацькоў вашых ва ўсім, бо гэта даспадобы Госпаду.Эф 6:1
Бацькі, не дакучайце дзецям вашым, каб яны не падалі духам.
Рабы, ва ўсім упакорвайцеся гаспадарам вашым па плоці, не для выгляду (толькі) служачы ім, не каб дагадзіць, а ў шчырасьці богабаязнага сэрца.1Пётр 2:18; Эф 6:5; Ціт 2:9
І ўсё, што робіце, рабеце ад душы, як Госпаду, а не чалавеку,
ведаючы, што ў адзьдзяку ад Госпада дастанеце спадчыну; бо вы служыце Госпаду Хрысту.
А хто несправядліва ўчыніць, той атрымае паводле сваёй няпраўды, у Яго няма агляду на асобы.Дзеі 10:34; Эф 6:9