Мц Мацвея, раздзел Паводле Мацвея Святое Дабравесце, раздзел 3
У тыя дні прыходзіць Ян Хрысьціцель і прапаведуе ў пустыні ЮдэйскайМк 1:4; Лк 3:3; Ян 1:28; Дзеі 13:24
і кажа: пакайцеся, бо наблізілася Царства Нябеснае.
Бо Ён Той, пра Каго сказаў прарок Ісая: «голас таго, хто кліча ў пустыні, падрыхтуйце шлях Госпаду, простымі зрабеце сьцежкі Яму».Іс 40:3; Мк 1:3; Лк 3:4; Ян 1:23
А ў самога Яна была вопратка зь вярблюджага воласу і скураны пояс на паясьніцы ягонай; а ежай яму былі акрыды і дзікі мёд.Мк 1:6
Тады выходзілі да яго Ерусалім і ўся Юдэя, і ўсё навакольле Ярданскае
і хрысьціліся ў Ярдане ў яго, спавядаючыся ў грахах сваіх.
Убачыўшы многіх фарысэяў і садукеяў, што ішлі да яго хрысьціцца, Ян сказаў ім: выродзьдзе яхідніна! хто вас намовіў уцякаць ад будучага гневу?Мц 23:33; Лк 3:7
Прынясеце ж годны плод пакаяньня;
і ня думайце гаварыць самі сабе: «бацька ў нас Абрагам»; бо кажу вам, што Бог можа з камянёў гэтых узьвесьці дзяцей Абрагаму;Ян 8:39; Дзеі 13:26
ужо і сякера пры корані дрэваў ляжыць: бо ўсякае дрэва, якое ня родзіць добрага плоду, сьсякаюць і кідаюць у вагонь;Мц 7:19
я хрышчу вас вадою на пакаяньне; але Той, Хто ідзе за мною, мацнейшы за мяне; я ня варты панесьці абутак Ягоны; Ён будзе хрысьціць вас Духам Сьвятым і вагнём;Мк 1:8; Лк 3:16; Ян 1:26; Дзеі 1:5; Дзеі 2:2
лапата Ягоная ў руцэ ў Яго, і Ён ачысьціць гумно Сваё, і зьбярэ пшаніцу Сваю ў засекі, а салому спаліць вагнём непагасным.Лк 3:17
Тады прыходзіць Ісус з Галілеі на Ярдан да Яна хрысьціцца ў яго.Мк 1:9; Лк 3:21
Ян жа стрымліваў Яго, кажучы: мне трэба ў Цябе хрысьціцца, а Ты прыходзіш да мяне?
Але Ісус сказаў у адказ яму: дапусьці цяпер, бо так належыць нам зьдзейсьніць ўсякую праведнасьць. Тады Ян дапускае Яго.
І ахрысьціўшыся, Ісус выйшаў адразу з вады; - і вось, адчыніліся Яму нябёсы, і ўбачыў Ян Духа Божага, Які сыходзіў, як голуб, і апускаўся на Яго.Мк 1:10; Лк 3:21; Ян 1:32
І вось, голас зь нябёсаў прамовіў: Гэты ёсьць Сын Мой Любасны, Якога Я ўпадабаў.Мк 1:11; Лк 3:22; Ян 5:37; 2Пётр 1:17; Кал 1:13