Psalmid 142 eri tõlgetes
Пераклад Сёмухі
142:1
Сёмуха
Псальма Давіда, калі яго перасьледаваў сын ягоны Авэсалом. Госпадзе, пачуй малітву маю, уваж маленьню майму па праўдзе Тваёй; пачуй мяне па праўдзе Тваёй
142:2
Сёмуха
і не ўваходзь у суд з рабом Тваім, бо не апраўдаецца прад Табою ніводзін жывы.
142:3
Сёмуха
Вораг перасьледуе душу маю, затаптаў у зямлю жыцьцё маё, прымусіў мяне жыць у цемры, як даўно памерлых,
142:4
Сёмуха
і засмуціўся ўва мне дух мой, зьнямела ўва мне сэрца маё.
142:5
Сёмуха
Прыгадваю дні мінулыя, думаю пра ўсе дзеі Твае, разважаю пра дзеі рук Тваіх,
142:6
Сёмуха
працягваю да Цябе рукі мае; душа мая - да Цябе, як перасохлая зямля.
142:7
Сёмуха
Хутчэй пачуй мяне, Госпадзе: дух мой зьнемагае; не хавай аблічча Твайго ад мяне, каб я не спадобіўся тым, што ў магілу ідуць.
142:8
Сёмуха
Дай мне рана пачуць ласку Тваю, бо я на Цябе спадзяюся. Пакажы мне, Госпадзе, дарогу, па якой мне ісьці, бо да Цябе я ўзношу душу маю.
142:9
Сёмуха
Вызвалі мяне, Госпадзе, ад ворагаў маіх; да Цябе прыбягаю.
142:10
Сёмуха
Навучы мяне выконваць волю Тваю, бо Ты - Бог мой; Дух Твой добры вядзе мяне ў зямлю праўды.
142:11
Сёмуха
Дзеля імя Твайго, Госпадзе, ажыві мяне; дзеля праўды Тваёй выведзі зь нягоды душу маю
142:12
Сёмуха
і зь літасьці Тваёй зьлічы ворагаў маіх, і загубі ўсіх, што ўціскаюць душу маю, бо я - Твой раб.