Psalmid 19 eri tõlgetes
Ang Pulong sa Dios
19:0
APD
Ang awit alang sa maestro sa mga mag-aawit. Awit ni David.
19:1
APD
Ang kalangitan nagpadayag sa gahom sa Dios ug nagpakita sa iyang gipanghimo.
19:2
APD
Ang matag adlaw ug matag gabii daw sa nagsugilon sa gahom sa Dios.
19:3
APD
Walay pulong o tingog nga madungog gikan kanila,
19:4
APD
apan ang ilang mensahe makaabot bisan asang bahin sa kalibotan; milukop kini sa tanang dapit. Naghimo ang Dios sa kalangitan ug puloy-anan alang sa adlaw.
19:5
APD
Ug gikan didto mogawas ang adlaw kon buntag, sama sa pamanhonon nga malipayon human siya gikasal, o sama sa usa ka magdudula nga andam nang modagan sa lumba.
19:6
APD
Mosidlak kini sa sidlakan ug mosalop sa kasadpan. Ug walay makatago gikan sa iyang kainit.
19:7
APD
Ang kasugoan sa Ginoo hingpit. Nagpadasig kini sa atong kinabuhi. Ang mga katudloanan sa Ginoo kasaligan ug naghatag ug kaalam sa mga walay alamag.
19:8
APD
Ang mga tulomanon sa Ginoo husto ug naghatag ug kalipay. Ang mga sugo sa Ginoo klaro ug naglamdag sa huna-huna sa tawo.
19:9
APD
Ang pagtahod sa Ginoo maayo, ug angay kining himuon sa walay kataposan. Ang paghukom sa Ginoo husto ug matarong.
19:10
APD
Mas maayo pa kining tinguhaon kaysa lunsayng bulawan; ug mas tam-is pa kaysa puro nga dugos.
19:11
APD
Naghatag usab kini, Ginoo, ug pahimangno kanako nga imong sulugoon. Ug kon tumanon ko kini daghang kaayohan ang akong madawat.
19:12
APD
Usahay dili mahibaloan sa tawo nga nakasala siya. Busa, Ginoo, hinloi ako sa mga sala nga wala ko mahibaloi!
19:13
APD
Tabangi usab ako nga dili makahimo sa mga sala nga tinuyo ug ayaw itugot nga maulipon ako niini, aron walay ikasaway sa akong pagkinabuhi ug malikay ako sa daghang matang sa pagpakasala.
19:14
APD
Hinaut pa nga ang mogawas nga mga pulong ug ang akong mga gipanghuna-huna makalipay kanimo, Ginoo, nga akong salipdanan nga bato ug manluluwas.