Пс Псалтыр, псалом Псалтыр, псалом 2
Чаму бунтуюцца народы, і плямёны задумваюць марнае?Дзеі 4:25
Паўстаюць валадары зямлі, і князі сабраліся разам супраць ГОСПАДА і супраць Памазанца Ягонага:
«Парвема кайданы іхнія і путы іхнія скіньма з сябе!»
Той, Які жыве ў небе, будзе сьмяяцца, Госпад будзе кпіць з іх.Дрз 28:63; Выс 1:26
І скажа да іх у гневе Сваім, і ў ярасьці Сваёй напужае іх:
«Гэта Я паставіў Валадара Майго на Сыёне, гары Маёй сьвятой!»Пс 93:1; Ян 18:37; Габр 12:22
Я абвяшчу пастанову: «ГОСПАД сказаў да Мяне: “Ты — Сын Мой, Я сёньня нарадзіў Цябе!Дзеі 13:33; Габр 1:5; Габр 5:5
Зажадай ад Мяне, і дам Табе народы зямлі ў спадчыну, і межы зямныя — на ўласнасьць Табе.Пс 22:28
Кіем жалезным паб’еш іх, быццам начыньне глінянае скрышыш іх”».Адкр 2:27; Адкр 19:15
Дык цяпер, валадары, зразумейце, навучыцеся, судзьдзі зямлі!
Служыце ГОСПАДУ са страхам і радуйцеся з дрыжаньнем.
Ушануйце Сына, каб не разгневаўся і каб ня зьнішчыў шляху [вашага], бо неўзабаве ўзгарыцца гнеў Ягоны! Шчасьлівыя ўсе, якія ў Ім маюць надзею.Пс 34:9; Выс 16:20; Іс 30:18; 1Пётр 2:6