1Co 1 Mga Taga-Corinto, kapitulo Ang Unang nga Sulat ni Pablo sa Mga Taga-Corinto, kapitulo 2
Mga igsoon ko kang Cristo, sa pag-anha ko diha kaninyo aron sa pagwali sa mga tinago nga kamatuoran sa Dios, wala ako maggamit ug laglom nga mga pulong o kaha lawom nga kaalam. 1Co 1:17Kay gituyo ko nga wala na akoy lain pa nga iwali kaninyo kondili si Jesu-Cristo lang ug ang iyang pagpalansang sa krus. 1Co 1:23; 1Co 15:3; Php 3:8Mianha ako kaninyo nga adunay kaluyahon ug nagkurog pa gani ako sa kahadlok. Act 18:1Sa pagwali ko kaninyo wala ako maggamit ug binulak-bulakan nga mga pulong aron lang madani kamo, kondili ang Espiritu ang nagpamatuod sa akong gipanulti pinaagi sa iyang gahom, 2Pe 1:16aron nga ang inyong pagtuo dili mabasi sa kaalam sa tawo kondili sa gahom sa Dios.2Co 6:7
Gipadayag sa Dios ang iyang Kaalam pinaagi sa Espiritu
Hinuon, nagtudlo kami ug kaalam ngadto sa mga lig-on ug pagtuo sa Dios, apan kini nga kaalam dili iya sa tawo ni sa mga nagdumala niining kalibotana nga gitakdang mahanaw. Jas 3:15Kining kaalam nga akong giingon mao ang tinago nga kaalam sa Dios nga wala ipadayag ngadto sa mga tawo kaniadto. Sa dihang wala pa mamugna sa Dios ang kalibotan giplano na niya kini aron mapasidunggan niya kita. Rom 16:25; Eph 3:9Ang mga nagdumala dinhi sa kalibotan wala makasabot sa plano sa Dios. Kay kon nasabtan pa nila, wala na unta nila ilansang sa krus ang Ginoo nga makagagahom. Mat 11:25; Act 13:27; 2Co 3:14Apan sumala sa giingon sa Kasulatan:
“Wala pa gayoy nakita, nadungog,
o kaha nahuna-huna ang tawo
nga angay ikatandi ngadto
sa mga giandam sa Dios alang sa mga nahigugma kaniya.”2:9 Isa. 64:4Isa 64:4
Kini nga plano sa Dios gipahibalo na kanato pinaagi sa iyang Espiritu.
Kay ang tanan nasayran sa Espiritu, bisan pa ang mga lawom nga huna-huna sa Dios. Mat 13:11; Mrk 4:11; Jhn 14:26Ingon kanatong mga tawo, walay nasayod sa gihuna-huna sa usa ka tawo gawas lang sa iyang kaugalingon nga espiritu. Mao usab sa Dios, walay nasayod sa iyang huna-huna gawas lang sa Espiritu sa Dios. Rom 11:33Ug kita nga mga tumutuo gihatagan niini nga Espiritu nga dili gikan sa kalibotan kondili gikan sa Dios aron masabtan nato ang kamatuoran mahitungod sa mga panalangin nga gihatag sa Dios kanato.Rom 8:15
Busa ang mga pulong nga among gisulti gikan sa Espiritu ug dili gikan sa kaalam sa tawo. Gipasabot namo ang mga pagtulon-an nga gikan sa Espiritu ngadto sa mga tawo nga nakaangkon sa Espiritu. 1Co 1:17Apan ang tawo nga wala kaniya ang Espiritu dili modawat sa mga pagtulon-an nga gikan sa Espiritu sa Dios, tungod kay alang kaniya binuang lang kini. Ug dili niya kini masabtan tungod kay ang Espiritu lang gayod sa Dios mao ang makatabang kaniya sa pagsabot niini. Rom 8:5Ang tawo nga nakabaton sa Espiritu ang nagsusi niining tanan, apan dili siya ubos sa pagsusi sa ubang tawo. Pro 28:5Ang Kasulatan nag-ingon:
“Kinsa ba ang nasayod sa huna-huna sa Ginoo?
Ug kinsa ba ang makatudlo kaniya?”2:16 Isa. 40:13
Apan kita, ania kanato ang huna-huna ni Cristo.Isa 40:13; Rom 11:34