Psa Mga Salmo, salmo Ang Libro sa Mga Salmo, salmo 12
Ang awit alang sa maestro sa mga mag-aawit. Gamita ang mga instrumento nga adunay walo ka kuwerdas. Awit ni David.
Tabangi ako, Ginoo,
kay wala nay nahibilin nga diosnon ug kasaligan.Isa 57:1; Mic 7:2
Ang tanan gabakak sa ilang isigka-tawo.
Gilimbongan nila ug giulog-ulogan ang usag usa.Psa 28:3
Hinaut pa nga imong pahilomon, Ginoo, ang mga gaulog-ulog sa uban
ug ang mga mapasigarbohonGal 5:12
nga nag-ingon,
“Makuha namo ang tanan namong gusto pinaagi sa maayong pagpamabà.
Isulti namo ang buot namong isulti,
ug walay makabuot kanamo.”Exo 5:2; Job 21:15; Dan 3:15
Miingon ang Ginoo,
“Tabangan ko ang mga kabos tungod kay gidaog-daog sila
ug nag-agulo sa kalisod.
Panalipdan ko sila kay mao kini ang ilang ginahandom.12:5 kay mao kini ang ilang ginahandom: o sa mga nagpakadaotan kanila.”
Masaligan gayod ang mga saad sa Ginoo.
Sama kini sa lunsay nga plata nga giputli makapito sa kalayo.2Sa 22:31; Pro 30:5
Bantayi kami kanunay, Ginoo,
ug ilikay kami sa mga daotang tawo sa tanang panahon.
Kay gilibotan nila kami,
ug gidayeg sa tanan ang ilang daotang mga binuhatan.