Экл Эклезіяст, раздзел Кніга Эклезіяста, альбо Прапаведніка, раздзел 4
І прыгледзеўся зноў я, і ўгледзеў уціскі ўсялякія, што пад сонцам здараюцца: і вось сьлёзы прыгнечаных, а суцешніка ў іх няма; і ў руцэ ў прыгнятальнікаў іхніх - сіла, а суцешніка ў іх няма.Экл 3:16
І прызнаў я шчасьлівымі мёртвых, якія памерлі даўно, больш, чым жывых, што дагэтуль жывуць;
а шчасьлівейшы той за абодвух, хто яшчэ не радзіўся, хто ня бачыў яшчэ ліхадзействаў, якія пад сонцам вядуцца.
І зноў я пабачыў, што ўсякая праца і посьпех усякі ў справах узаемную зайздрасьць паміж людзьмі спрычыняюць. І гэта - марнасьць і пагоня за ветрам!Дзеі 7:9; Дзеі 7:28
Неразумны сядзіць, склаўшы рукі свае, і жарэ сваё цела.Выс 6:10; Выс 24:33
Лепей жменя спакою за поўныя прыгаршчы клопату і пагоню за ветрам.Выс 17:1
І зірнуў я, і зноў убачыў марнасьць пад сонцам:
самотнік, і ня мае нікога ён іншага: ні сына, ні брата няма ў яго; і ня мае канца ён турботам сваім, і не насыціцца вока яго багацьцем. «На каго ж я працую, і даброцяў душу сваю пазбаўляю?» І гэта - марнасьць і прапалая справа!Пс 38:7; 1Ян 2:16
Дваім лепей, чым аднаму, бо ёсьць ім добрая дзяка за іхнюю працу.Быц 2:18; Суд 7:10
Бо, як адзін упадзе, падыме другі свайго сябра! Але гора таму, хто адзін упадзе, а другога няма, хто падняў бы яго.
Гэтак сама, як двое ляжаць, дык ім цёпла; а дзе аднаму прыгрэцца?
І калі б хто напаў на другога, дык выстаяць двое супраць таго. І нітка, ссуканая з трох, ня скора парвецца.
Лепей бедны, ды разумны хлапчына, чым стары, ды неразумны цар, які рады ня слухае.Экл 2:13
Бо той зь вязьніцы выйдзе на царства, хто нарадзіўся ў царстве сваім бедным.Быц 41:40
Бачыў я ўсіх жывых, што ходзяць пад сонцам, з гэтым другім юнком, які зойме месца таго.
Ня было ліку ўсяму люду, які быў перад ім, хоць і наступныя радасьці ў ім ня мецьмуць. І гэта - марнасьць і пагоня за ветрам!Экл 1:14
Сачы за нагою тваёю, калі ідзеш у дом Божы, і будзь гатовы больш слухаць, чым ахвяры прыносіць; ня думаюць бо яны, што благое ўчыняюць.Дзеі 7:33; 1Цар 15:22; Ас 6:6