Выс Выслоўі, раздзел Кніга выслоўяў Саламонавых, раздзел 12
Хто любіць настаўленьне, той любіць веды; а хто ненавідзіць засьцярогі, той невук.Выс 10:17
Добры здабывае ласку ў Госпада; а чалавека падступнага Ён асудзіць.
Ня сьцьвердзіць сябе чалавек беззаконьнем; а корань праведнікаў непахісны.Выс 10:25; Іс 37:31; Ер 17:8
Дабрачынная жонка - вянок мужу свайму; а ганебная - як гнілізна ў касьцях у яго.
Помыслы праведных - праўда, а намыслы бязбожных - падступнасьць.
Словы бязбожных - засада на кроў, а вусны праведных ратуюць іх.Выс 1:11
Як кранецца бязбожных няшчасьце - і няма іх, а дом праведных стаіць.
Хваляць чалавека паводле меры розуму ягонага, а распусны сэрцам будзе ў пагардзе.
Лепей быць простым, але мець працу, чым быць ганарыстым, але ня мець хлеба.
Праведны дбае і пра жыцьцё быдла свайго, а сэрца бязбожных жорсткае.Дрз 22:6; Дрз 25:4
Хто ўрабляе зямлю сваю, насыціцца хлебам; а хто ідзе па сьлядах гультаёў, той розумам бедны.Выс 28:19
Бязбожны хоча злавіць яго ў сетку зла; а корань праведных цьвёрды.
Бязбожны ловіцца грахамі вуснаў сваіх; а праведны выйдзе зь бяды.Выс 18:7
Ад плоду вуснаў сваіх чалавек насычаецца дабром, і плата чалавеку - паводле дзеяў рук ягоных.Пс 61:13
Дарога немысьля простая ў вачах ягоных; а хто слухае рады, той мудры.Выс 10:17
У немысьля адразу выяўляецца гнеў ягоны, а разумны тоіць абразу.Экл 7:9
Хто кажа тое, што ведае, той кажа праўду: а ў сьведкі ілжывага - ашуканства.Выс 14:5
Сёй-той пустаслоў б'е як мечам, а язык мудрых - ацаляе.Пс 58:8; Пс 63:4
Вусны праўдзівыя вечна жывуць, а ілжывы язык - хвіліну.
Хітрына - у сэрцы ў зламысьнікаў, радасьць - у міратворцаў.
Ня станецца праведніку ніякага ліха, а бязбожныя будуць напоўнены злом.
Агіда Госпаду - вусны ілжывыя, а хто гаворыць праўду, даспадобы Яму.Пс 5:7
Чалавек разважлівы ўтойвае веды, а сэрца немысьляў выказвае дурасьць.Выс 13:16
Рука руплівая здабудзе ўладу, а гультайская пад данінай будзе.
Смутак на сэрцы падаўляе чалавека, а добрае слова разьвесяляе яго.
Праведнік паказвае блізкаму свайму дарогу, а дарога бязбожных уводзіць іх у згубу.
Гультай ня смажыць сваёй дзічыны; а чалавек руплівы мецьме каштоўны набытак.
На дарозе праўды - жыцьцё, і на сьцежцы яе няма сьмерці.