Gen Genesis, kapitulo Genesis Ang Unang Libro ni Moises, kapitulo 13
Nagbulag si Abram ug si Lot
Gikan sa Ehipto, miadto si Abram sa Negev uban sa iyang asawa dala ang tanan niyang kabtangan, ug uban gihapon si Lot. Psa 105:13Adunahan na kaayo si Abram; daghan siyag mga hayop, pilak, ug bulawan.Gen 24:35; Pro 10:22
Gikan sa Negev, nagbalhin-balhin sila hangtod nga nakabalik sila sa dapit tunga-tunga sa Betel ug Ai diin nagpatindog sila sa ilang tolda kaniadto, ug diin usab sila una nga nagbuhat ug halaran. Ug gisimba pag-usab ni Abram ang Ginoo didto.Gen 12:8; Gen 35:6; Gen 12:7
Si Lot nga mikuyog paglakaw kang Abram aduna usab siyay mga kahayopan ug tolda. Ug tungod kay daghan na ang ilang mga kahayopan ug uban pang mga kabtangan, dili sila mahimo nga mag-usa sa pagpuyo sa usa ka dapit. Ang sabsabanan dili paigo kanila. Gen 36:7Tungod niini, nagkaaway ang mga magbalantay sa ilang mga hayop. (Niadtong panahona ang mga Canaanhon ug mga Perisihanon nagpuyo pa usab niadtong dapita.)Gen 21:25
Busa miingon si Abram kang Lot, “Kita ug ang atong mga tawo dili angay nga mag-away kay paryente kita. Psa 34:14; Gen 11:27; Gen 14:12Ang maayo niini, magbulag na lang kita tungod kay daghan pa man ang dapit nga mahimong balhinan. Pagpili kon asa nga bahin sa yuta ang imong gusto. Kon sa wala ka nga bahin, sa tuo ako; kon sa tuo ka nga bahin, sa wala ako.”
Mitan-aw si Lot sa palibot ug nakita niya nga abunda sa tubig ang Walog sa Jordan hangtod sa Zoar, sama sa tanaman sa Ginoo13:10 tanaman sa Ginoo: o tanaman sa Eden. ug sa yuta sa Ehipto. (Sa panahon kini nga wala pa gilaglag sa Ginoo ang Sodoma ug Gomora.) Gen 2:8; Isa 51:3; Ezk 28:13Busa gipili ni Lot ang tibuok nga Walog sa Jordan sa sidlakan. Sa mao nga paagi nagbulag sila ni Abram. Si Abram nagpabilin sa Canaan samtang si Lot didto mipuyo sa mga lungsod sa kapatagan. Nagpatindog si Lot sa iyang tolda duol sa Sodoma. Ang mga tawo sa Sodoma labihan gayod kadaotan ug makasasala atubangan sa Ginoo.Gen 18:20; Gen 19:13; Ezk 16:49
Sa dihang nakabiya na si Lot, miingon ang Ginoo kang Abram, “Gikan diha sa imong gitindogan tan-awa pag-ayo ang imong palibot. Ang tanan nga yuta nga maabot sa imong panan-aw ihatag ko kanimo ug sa imong mga kaliwat, ug mainyo kana hangtod sa kahangtoran. Gen 12:7; Gen 15:18; Gen 26:4; Deu 34:4Himuon ko ang imong mga kaliwat nga sama kadaghan sa abog. Ang abog dili maihap, busa ang imong mga kaliwat dili usab maihap. Gen 32:12; Deu 10:22Lakaw ug libota ang tibuok kayutaan kay ihatag ko kanang tanan kanimo.”
Busa gibalhin ni Abram ang iyang tolda, ug didto siya mipuyo duol sa kahoy nga tugas13:18 kahoy nga tugas: tan-awa usab ang Gen. 12:6. ni Mamre didto sa Hebron, ug nagbuhat siya didto ug halaran alang sa Ginoo.Num 13:22