Num Numeros, kapitulo Numeros Ang Ikaupat Libro ni Moises, kapitulo 12
Ang Reklamo ni Miriam ug ni Aaron
Sa didto na sila sa Hazerot, gisaway ni Miriam ug ni Aaron si Moises tungod kay nangasawa siya ug usa ka taga-Etiopia.12:1 taga-Etiopia: sa Hebreo, taga-Cush. Num 16:2; Exo 2:21Miingon sila, “Pinaagi lang ba kang Moises makigsulti ang Ginoo? Dili ba nakigsulti man usab siya pinaagi kanato?” Apan nadunggan kini sa Ginoo.
(Si Moises mapainubsanon kaayo labaw kaysa tanang mga tawo sa kalibotan.)Exo 11:8; Mat 11:29
Busa nakigsulti dayon ang Ginoo kang Moises, Aaron, ug Miriam. Miingon siya kanila, “Pangadto kamong tulo sa Tolda nga Tagboanan.” Busa nanggawas sila ug nangadto sa Tolda. Unya mikunsad ang Ginoo pinaagi sa panganod nga daw haligi ug mitindog sa pultahan sa Tolda nga Tagboanan ug gitawag si Aaron ug si Miriam. Pagduol sa duha, Exo 16:10; Num 11:17; Num 14:10miingon ang Ginoo,
“Pamati kamo!
Kon aduna akoy propeta diha kaninyo,
makigsulti ako kaniya pinaagi
sa panan-awon ug damgo.1Sa 3:7
Apan dili sa ingon niana nga paagi ako makigsulti sa akong alagad
nga si Moises, nga gisaligan ko sa akong katawhan.Heb 3:5
Makigsulti ako kaniya nga mag-atubangay, klaro,
ug dili pinaagi sa mga sambingay.
Daw sama lang nga nakita niya ako.
Apan nganong wala gayod kamo nahadlok
mosulti ug daotan batok sa akong alagad nga si Moises?”Exo 33:11; Deu 34:10; 1Co 13:12
Nasuko pag-ayo ang Ginoo kanila, ug mibiya siya.Num 11:3
Sa dihang mibiya na ang panganod ibabaw sa Tolda, gitakboyan dayon si Miriam ug ngilngig nga sakit sa panit, ug nagputi gayod ang iyang panit. Pagkakita ni Aaron niini, Deu 24:9miingon siya kang Moises, “Sir, ayaw kami paantosa tungod sa kabuang nga sala nga among nahimo. Ayaw itugot nga mahisama si Miriam sa usa ka patayng bata nga gihimugso diin ang katunga sa lawas niini nadugta na.”2Ki 5:10
Busa nagpakiluoy si Moises sa Ginoo, “Dios ko, naghangyo ako kanimo nga ayohon mo si Miriam!”
Mitubag ang Ginoo kang Moises, “Kon luwaan siya sa iyang amahan sa dagway, dili ba antoson niya ang kaulaw sulod sa pito ka adlaw? Busa pagawasa siya sa kampo sulod sa pito ka adlaw, ug pagkahuman mahimo na siyang mobalik.”Lev 13:46; Lev 14:8
Busa gipagawas si Miriam sa kampo sulod sa pito ka adlaw. Ug ang mga tawo wala mopadayon sa ilang paglakaw hangtod nga wala pa si Miriam mahibalik sa kampo.
Human niadto, mibiya sila sa Hazerot ug nagkampo sa kamingawan sa Paran.Num 11:35