Példabeszédek 24 különböző fordításokban
Пераклад Сёмухі
24:1
Сёмуха
Не зайздросьці ліхім людзям і ня прагні быць зь імі:
24:2
Сёмуха
бо пра насільле думае сэрца іхняе, і пра ліхое гавораць вусны іхнія.
24:3
Сёмуха
Мудрасьцю ладзіцца дом і розумам сталюецца,
24:4
Сёмуха
і праз гаспадарчасьць нутро яго напаўняецца ўсякай каштоўнай і прыемнай маёмасьцю.
24:5
Сёмуха
Чалавек мудры - дужы, і чалавек разумны мацуе сілу сваю.
24:6
Сёмуха
Таму абдумана вядзі вайну тваю, і посьпех будзе пры мностве радцаў.
24:7
Сёмуха
Неразумнаму мудрасьць занадта высокая; каля брамы не разамкне ён вуснаў сваіх.
24:8
Сёмуха
Хто намышляе зрабіць зло, таго называюць зламысьнікам.
24:9
Сёмуха
Намысел неразумнага - грэх, і блюзьнер - мярзота людзям.
24:10
Сёмуха
Калі ты ў дзень бедства зьнясіліўся, дык бедная сіла твая.
24:11
Сёмуха
Ратуй узятых на сьмерць, і няўжо ты адмовішся ад асуджаных на ўбой?
24:12
Сёмуха
Ці скажаш: «вось, мы ня ведалі гэтага?» А Выпрабавальнік сэрцаў хіба ня ведае? Назіральнік за душою тваёю ведае гэта і дасьць чалавеку паводле ўчынкаў ягоных.
24:13
Сёмуха
Еж, сыне мой, мёд, бо ён смачны, і сотавы, бо ён салодкі паднябеньню майму:
24:14
Сёмуха
такое і спазнаньне мудрасьці для душы тваёй. Калі ты знайшоў яе, дык ёсьць будучыня, і надзея твая ня марная.
24:15
Сёмуха
Не намышляй ліха, бязбожнік, супроць жытлішча праведнага; ня спустошвай месца спакою ягонага.
24:16
Сёмуха
Бо сем разоў упадзе праведнік і ўстане; а бязбожныя тонуць у пагібелі.
24:17
Сёмуха
Ня радуйся, калі ўпадзе вораг твой; і хай не весяліцца сэрца тваё, калі ён спатыкнецца.
24:18
Сёмуха
Інакш убачыць Гасподзь, і не даспадобы будзе Яму гэта, і Ён адверне ад яго Свой гнеў.
24:19
Сёмуха
Не абурайся ліхадзеямі і не зайздросьці бязбожнікам:
24:20
Сёмуха
бо ліхі ня мае будучыні - сьветач бязбожных патухне.
24:21
Сёмуха
Бойся, сыне мой, Госпада і цара; і зь мяцежнікамі ня супольнічай,
24:22
Сёмуха
бо зьнянацку прыйдзе пагібель на іх; і бяду ад іх абодвух хто загадзя ўведае?
24:23
Сёмуха
Сказана таксама мудрымі: зважаць на асобы ў судзе - нядобра.
24:24
Сёмуха
Хто кажа вінаватаму: «твая праўда», таго праклянуць народы, таго зьненавідзяць плямёны;
24:25
Сёмуха
а тыя, што судзяць справядліва, будуць любасныя, бо прыйдзе на іх дабраславеньне.
24:26
Сёмуха
У вусны цалуе той, хто адказвае словамі правільнымі.
24:27
Сёмуха
Зрабі справы свае па-за домам, закончы іх на полі тваім, а потым уладжвай і дом твой.
24:28
Сёмуха
Ня сьведчы ілжыва на блізкага твайго; навошта табе ашукваць вуснамі тваімі?
24:29
Сёмуха
Не кажы: «як ён зрабіў са мною, так і я зраблю зь ім, адплачу чалавеку паводле ўчынкаў ягоных».
24:30
Сёмуха
Праходзіў я ўскрай поля чалавека лянівага і ўскрай вінаградніка чалавека неразумнага.
24:31
Сёмуха
І вось, усе гэта зарасло крапівою, паверхня яго збуяла бадзякамі, і каменны мур абваліўся.
24:32
Сёмуха
І падзівіўся я, і ўзяў да сэрца, і ўбачыў, і атрымаў навуку:
24:33
Сёмуха
«крыху пасьпіш, крыху падрэмлеш, крыху, рукі згарнуўшы, паляжыш;
24:34
Сёмуха
і прыйдзе беднасьць твая, як разбойнік, і галеча твая - як чалавек узброены».