1 Tessalonicesi 4 in diverse traduzioni
Пераклад Бокуна
4:1
Бокун
Нарэшце, браты, просім вас і молім праз Госпада Ісуса, каб тое, што вы прынялі ад нас, як мусіце вы хадзіць і падабацца Богу, яшчэ больш у вас памнажалася,
4:2
Бокун
бо вы ведаеце, якія мы далі вам загады ад Госпада Ісуса.
4:3
Бокун
Бо гэта ёсьць воля Божая — сьвятасьць вашая, каб вы высьцерагаліся распусты,
4:4
Бокун
каб кожны з вас умеў захоўваць сваё начыньне ў сьвятасьці і годнасьці,
4:5
Бокун
а ня ў жарсьцях пажадлівасьці, як пагане, што ня ведаюць Бога;
4:6
Бокун
каб не вывышаліся і не ашуквалі ў справах брата свайго, таму што Госпад — мсьціўца за ўсё гэтае, як і раней мы гаварылі вам і сьведчылі.
4:7
Бокун
Бо паклікаў нас Бог не да нячыстасьці, але да сьвятасьці.
4:8
Бокун
Дык хто гэта адкідае, той адкідае не чалавека, але Бога, Які Духа Свайго Сьвятога нам даў.
4:9
Бокун
Адносна братняй любові няма патрэбы пісаць да вас, бо вы самі навучаны Богам любіць адзін аднаго,
4:10
Бокун
дый вы гэтак і робіце з усімі братамі па ўсёй Македоніі. Просім жа вас, браты, багацейце [ў гэтым] болей
4:11
Бокун
і намагайцеся жыць у супакоі, і рабіць сваю справу, і працаваць сваімі ўласнымі рукамі, як мы загадалі вам;
4:12
Бокун
каб вы хадзілі прыстойна перад тымі, што звонку, і ні ў чым ня мелі патрэбы.
4:13
Бокун
Не хачу, каб вы, браты, ня ведалі адносна памёршых, каб вы не сумавалі, як іншыя, што ня маюць надзеі.
4:14
Бокун
Бо калі мы верым, што Ісус памёр і ўваскрос, дык Бог і памёршых у Ісусе прывядзе з Ім.
4:15
Бокун
Гэта вось кажам вам словам Госпадавым, што мы, жывыя, якія засталіся да прыйсьця Госпада, не апярэдзім памёршых,
4:16
Бокун
бо Сам Госпад з абвяшчэньнем, з голасам арханёла і трубой Божай зыйдзе з неба, і мёртвыя ў Хрысьце ўваскрэснуць першымі;
4:17
Бокун
пасьля мы, жывыя, што засталіся, разам з імі падхоплены будзем на аблоках на спатканьне з Госпадам у паветра, і гэтак заўсёды з Госпадам будзем.
4:18
Бокун
Дык пацяшайце адзін аднаго гэтымі словамі.