Proverbi 8 in diverse traduzioni
Пераклад Сёмухі
8:1
Сёмуха
Ці мудрасьць не заклікае? і ці розум ня ўзносіць свой голас?
8:2
Сёмуха
Яна стаіць на ўзвышаных месцах, пры дарозе, на ростанях;
8:3
Сёмуха
яна кліча каля гарадское брамы, дзе ўваходзяць у дзьверы:
8:4
Сёмуха
«Да вас, людзі, даклікаюся я, і да сыноў чалавечых мой голас!
8:5
Сёмуха
Навучэцеся, невукі, добрай разумнасьці, зразумейце вы розум, бязглуздыя.
8:6
Сёмуха
Слухайце, бо я буду казаць важнае, і моўленьне вуснаў маіх - праўда;
8:7
Сёмуха
Бо ісьціну вымавіць язык мой, а бязбожнасьць - гідота для вуснаў маіх;
8:8
Сёмуха
усе словы вуснаў маіх слушныя; няма ў іх хітрыны і ашуканства;
8:9
Сёмуха
усе яны простыя разумнаму і справядлівыя тым, хто здабыў веды.
8:10
Сёмуха
Прымеце навуку маю, а ня срэбра; лепей веды, чым чыстае золата;
8:11
Сёмуха
бо мудрасьць лепшая за перлы, і ўсё, чаго пажадаеш, не дараўнаецца зь ёю.
8:12
Сёмуха
Я, мудрасьць, жыву з розумам, і шукаю спазнаньня ў разважлівага.
8:13
Сёмуха
Страх Гасподні - ненавідзець зло; гонар і пыху і ліхія шляхі і падступныя вусны я ненавіджу.
8:14
Сёмуха
У мяне рада і праўда: я розум, у мяне сіла.
8:15
Сёмуха
Мною цары валадараць, і праўнікі ўзаконьваюць праўду.
8:16
Сёмуха
Мною кіруюць уладыкі і вяльможы, і ўсе судзьдзі праведныя.
8:17
Сёмуха
Хто любіць мяне, тых я люблю, і хто шукае мяне, знойдуць мяне;
8:18
Сёмуха
багацьце і слава са мною - скарб нятленны, і праўда;
8:19
Сёмуха
плады мае лепшыя за золата, і золата самага чыстага, і карысьці ад мяне болей, чым ад чыстага срэбра.
8:20
Сёмуха
Я хаджу дарогаю праўды, сьцежкамі правасудзьдзя,
8:21
Сёмуха
каб даць тым, хто мяне любіць, спадчыну дабра, і скарбніцы іхнія я напаўняю.
8:22
Сёмуха
Гасподзь меў мяне ад пачатку дарогі Сваёй, раней дзеяў Сваіх, спрадвеку:
8:23
Сёмуха
адвеку была я памазаная, ад пачатку, ад правеку зямлі.
8:24
Сёмуха
Я нарадзілася, калі ня было яшчэ бездані, калі яшчэ ня было крыніц, багатых вадою.
8:25
Сёмуха
Я нарадзілася перш, чым былі пастаўлены горы, раней за пагоркі,
8:26
Сёмуха
калі яшчэ Ён не стварыў ні зямлі, ні палёў, ні пачатковых пылінак сусьвету.
8:27
Сёмуха
Ён рыхтаваў нябёсы, я была там. Калі ён крэсьліў скляпеньне над паверхняю бездані,
8:28
Сёмуха
калі сталяваў наверсе аблокі, калі мацаваў крыніцы бездані,
8:29
Сёмуха
калі даваў мору статут, каб воды не заступалі межаў яго, калі закладваў асновы зямлі:
8:30
Сёмуха
тады я была пры Ім за майстра, і была кожны дзень радасьцю, весялосьцю была перад абліччам Ягоным заўсёды,
8:31
Сёмуха
радуючыся на зямным коле Яго, і радасьць мая была з сынамі чалавечымі.
8:32
Сёмуха
Цяпер, дзеці, паслухайце мяне; і шчасныя тыя, што будуць ахоўваць шляхі мае!
8:33
Сёмуха
Паслухайце настаўленьня, і мудрымі станьце, і не адступайцеся ад яго.
8:34
Сёмуха
Шчасны той чалавек, які слухае мяне, чуваючы дзень у дзень каля варотаў маіх і вартуючы дзьверы мае!
8:35
Сёмуха
Бо, хто знайшоў мяне, той знайшоў жыцьцё, і атрымае мілату ад Госпада;
8:36
Сёмуха
а хто грэшыць супроць мяне, учыняе шкоду душы маёй: усе тыя, што ненавідзяць мяне, любяць сьмерць».