Salmi 147 in diverse traduzioni
Lifandi Orð
147:1
OLO
Hallelúja! Já, lofið Drottin! Það er gott að lofa Drottin! Indælt og rétt!
147:2
OLO
Hann er að endurreisa Jerúsalem og flytja hina herleiddu heim.
147:3
OLO
Hann reisir upp hina niðurbeygðu og bindur um sár þeirra.
147:4
OLO
Hann þekkir fjölda stjarnanna, já og hverja fyrir sig með nafni!
147:5
OLO
Mikill er Drottinn! Vald hans er stórkostlegt! Þekking hans er takmarkalaus.
147:6
OLO
Drottinn styður auðmjúka, en varpar illmennum til jarðar.
147:7
OLO
Syngið honum þakkarljóð, lofið Guð með hörpuleik.
147:8
OLO
Hann fyllir himininn skýjum, gefur steypiregn og klæðir fjöllin grænu grasi.
147:9
OLO
Hann fæðir hin villtu dýr og hrafnarnir krunka til hans eftir æti.
147:10
OLO
Í hans augum kemst sprettharður foli varla úr sporunum og máttur mannsins má sín lítils.
147:11
OLO
En hann gleðst yfir þeim sem elska hann og reiða sig á kærleika hans og gæsku.
147:12
OLO
Lofa þú hann, Jerúsalem! Vegsama Guð þinn, Síon!
147:13
OLO
Því að hann hefur gert múra þína öfluga og blessað börnin þín.
147:14
OLO
Hann lætur frið haldast í landinu og fyllir hlöður þínar af úrvals hveiti.
147:15
OLO
Hann sendir boð sín til jarðar, skipanir hans berast hratt eins og vindurinn.
147:16
OLO
Skjannahvít mjöllin er frá honum komin og hrímið sem glitrar á jörðinni.
147:17
OLO
Haglélið er líka hans verk og frostið sem bítur í kinnarnar.
147:18
OLO
En síðan sendir hann hlýjan vorvind, snjórinn þiðnar og árnar ryðja sig.
147:19
OLO
Hann kunngjörði Ísrael lögmál sitt og ákvæði
147:20
OLO
– það hefur hann ekki gert við neina aðra þjóð, nei, þeim kennir hann ekki fyrirmæli sín. Hallelúja! Dýrð sé Drottni!