Salmi 22 in diverse traduzioni
Пераклад Бокуна
22:1
Бокун
Кіраўніку хору: на лад “Ланя на сьвітаньні”. Псальм Давіда.
22:2
Бокун
Божа мой, Божа мой! Чаму Ты пакінуў мяне, аддаліўся ад збаўленьня майго, ад словаў стагнаньня майго?
22:3
Бокун
Божа мой! Я клічу ўдзень, і Ты не адказваеш, і ўначы, і не супакойваюся.
22:4
Бокун
Але Ты — Сьвяты, Ты сядзіш па-над хвалою Ізраіля!
22:5
Бокун
На Цябе спадзяваліся бацькі нашыя, спадзяваліся, і Ты выратоўваў іх.
22:6
Бокун
Да Цябе крычалі яны і былі збаўленыя; на Цябе спадзяваліся і не былі асаромленыя.
22:7
Бокун
А я — чарвяк, а не чалавек, зьневажаны людзьмі і пагарджаны народам.
22:8
Бокун
Усе, якія бачаць мяне, кпяць з мяне, крывячы вусны і ківаючы галовамі:
22:9
Бокун
«Ён усклаў [надзею] на ГОСПАДА! Дык няхай Ён выратуе яго, няхай вызваліць яго, калі яму спагадае!»
22:10
Бокун
Але Ты выцягнуў мяне з чэрава [маці], пры грудзях маці маёй [напоўніў] мяне спадзяваньнем.
22:11
Бокун
На Цябе я пакінуты ад улоньня [маці]; ад чэрава маці маёй Ты — мой Бог!
22:12
Бокун
Не аддаляйся ад мяне, бо блізка бяда, бо няма дапамогі!
22:13
Бокун
Мяне абступілі дужыя быкі, бугаі Башанскія атачылі мяне.
22:14
Бокун
Яны разявілі ляпы свае на мяне, быццам леў, які [прагне] здабычы і рыкае.
22:15
Бокун
Я выліўся, быццам вада, і разьдзяліліся ўсе косткі мае. Сталася сэрца маё як воск, растапілася ў нутры маім.
22:16
Бокун
Высахла як чарапок сіла мая, язык мой прыліп да паднябеньня майго, і ў пыл сьмерці Ты кідаеш мяне.
22:17
Бокун
Бо сабакі абступілі мяне, грамада злачынцаў атачыла мяне, яны прабілі рукі мае і стопы мае.
22:18
Бокун
Можна палічыць усе косткі мае. Яны глядзяць, на мяне ўглядаюцца.
22:19
Бокун
Яны падзялілі адзеньне маё між сабою і пра вопратку маю кідалі жэрабя.
22:20
Бокун
Але Ты, ГОСПАДЗЕ, не аддаляйся ад мяне! Моцнасьць мая, пасьпяшайся мне на ўспамогу!
22:21
Бокун
Выратуй ад мяча душу маю, з пашчы сабак адзіную маю.
22:22
Бокун
Збаў мяне з пашчы ільвінае, і з рагоў аднарога адкажы мне!
22:23
Бокун
Дык я буду абвяшчаць імя Тваё братам маім, сярод царквы буду хваліць Цябе.
22:24
Бокун
Вы, якія баіцёся ГОСПАДА, хвалеце Яго! Усё насеньне Якуба, ушаноўвайце Яго, і бойся Яго, усё насеньне Ізраіля!
22:25
Бокун
Бо Ён не пагардзіў і ня брыдзіўся нэндзай прыгнечанага, і не схаваў аблічча Свайго ад яго, але пачуў яго, калі той галасіў да Яго.
22:26
Бокун
Пра Цябе хвала мая ў царкве вялікай; абяцаньне маё я споўню перад абліччам тых, якія баяцца Цябе.
22:27
Бокун
Будуць есьці ўцісканыя і насыцяцца; будуць хваліць ГОСПАДА тыя, якія шукаюць Яго. Сэрца вашае будзе жыць вечна!
22:28
Бокун
Схамянуцца і зьвернуцца да ГОСПАДА ўсе канцы зямлі, і паклоняцца перад абліччам Тваім усе плямёны народаў.
22:29
Бокун
Бо ГОСПАДУ [належыць] валадараньне і панаваньне над народамі.
22:30
Бокун
Будуць есьці і паклоняцца [перад Ім] усе заможныя зямлі; упадуць перад абліччам Ягоным усе, якія ў пыл зыходзяць і ня могуць захаваць пры жыцьці душу сваю.
22:31
Бокун
Насеньне [маё] будзе служыць Яму і будзе называцца Госпадавым у пакаленьні.
22:32
Бокун
Прыйдуць і будуць апавядаць народу, што мае нарадзіцца, праведнасьць Ягоную, бо Ён [такое] зрабіў.