Salmi 48 in diverse traduzioni
Ang Pulong sa Dios
48:0
APD
Ang awit sa mga anak ni Kora.
48:1
APD [48:1–2]
Gamhanan ang Ginoo nga atong Dios, ug takos gayod nga dayegon diha sa iyang siyudad nga anaa sa iyang balaang bukid. Matahom ang kahabog niini ug naghatag kini ug kalipay sa tibuok kalibotan. Kining balaan nga Bukid sa Zion mao ang siyudad sa Gamhanan nga Hari.
48:2
APD
48:3
APD
Anaa ang Dios sa lig-on nga bahin sa Jerusalem ug gipakita niya nga siya kasaligan nga tigpanalipod.
48:4
APD
Nagtigom ang mga hari aron sa pagsulong sa Jerusalem,
48:5
APD
apan pagkakita nila niini, nahingangha sila; nahadlok sila ug nanagan.
48:6
APD
Nangurog sila sa kahadlok daw sa babayeng nagbati.
48:7
APD
Gilaglag sila sa Dios sama sa mga barko sa Tarshish nga gikuso-kuso sa hangin nga gikan sa sidlakan.
48:8
APD
Nadungog namo ang gipanghimo sa Dios kaniadto, ug karon nakita na gayod namo kini sa siyudad sa among Dios, ang Ginoo nga Makagagahom. Lig-onon niya kining siyudara hangtod sa kahangtoran.
48:9
APD
O Dios, namalandong kami sa imong gugma sulod sa imong Templo.
48:10
APD
Bantogan ka ug gidayeg sa mga tawo sa tibuok kalibotan, tungod kay nagmadaogon ka pinaagi sa imong gahom.
48:11
APD
Hinaut nga maglipay ang mga lumulupyo sa Zion ug ang mga lumulupyo sa ubang mga lungsod sa Juda, tungod sa imong matarong nga paghukom.
48:12
APD
Mga Israelinhon, libota ninyo ang Zion ug ihapa ang mga tore niini.
48:13
APD
Tan-awa ninyo pag-ayo ang mga paril ug ang lig-ong bahin niini nga siyudad, aron masultihan ninyo ang sunod nga mga henerasyon
48:14
APD
nga ingon niana ang Dios nga atong gialagaran. Dios siya sa walay kataposan. Siya ang gagiya kanato hangtod sa kahangtoran.