Salmi 61 in diverse traduzioni
Ang Pulong sa Dios
61:0
APD
Ang awit alang sa maestro sa mga mag-aawit. Gamita ang mga instrumento nga adunay mga kuwerdas. Ang awit ni David.
61:1
APD
Pamatia ang akong pagpakitabang, O Dios! Pamatia ang akong pag-ampo.
61:2
APD
Gikan dinhi sa layong dapit, nanawag ako kanimo tungod kay nawad-an na ako ug paglaom. Dad-a ako sa dapit diin luwas ako sa kakuyaw,
61:3
APD
kay ikaw mao ang nagpanalipod kanako. Sama ikaw sa usa ka lig-ong paril nga nagpanalipod sa siyudad batok sa mga kaaway.
61:4
APD
Papuy-a ako sa imong balaang puloy-anan hangtod sa kahangtoran ug panalipdi ako sama sa pagpanalipod sa langgam sa iyang mga piso ilalom sa iyang mga pako.
61:5
APD
Kay nadungog mo, O Dios, ang akong mga saad kanimo ug gihatagan mo ako sa mga gasa nga gihatag mo sa mga nagtahod kanimo.
61:6
APD
Dungagi pa ang kinabuhi sa hari ug paharia siya hangtod sa kahangtoran pinaagi sa iyang mga kaliwat.
61:7
APD
Hinaut pa nga maghari siya hangtod sa kahangtoran nga inubanan mo, O Dios. Panalipdi siya sa imong gugma ug pagkamatinumanon.
61:8
APD
Unya mag-awit ako kanunay ug mga pagdayeg kanimo. Ug tumanon ko kanunay ang akong saad kanimo.